​"Barilga Basketball 2019" тэмцээний бүртгэл явагдаж байна

​
Барилгын салбарынхны дунд зохион байгуулагддаг өрсөлдөөн ихтэй томоохон тэмцээн бол "Barilga Basketball" сагсан бөмбөгийн аварга шалгаруулах тэмцээн билээ. Барилгын салбарын ажил өрнөж эхлэж байгаа энэ үед зохион байгуулагддаг уламжлалтай тус тэмцээн найм дахь жилээ буюу 2019 оны гуравдугаар сарын 09, 10-ны өдрүүдэд МҮЭСТО-ны “Тэмүүжин” спорт цогцолборын зааланд болохоор бүртгэл эхлээд байна.
"Barilga Basketball 2019"-д зөвхөн барилгын салбарын ажилтан, албан хаагчид оролцох бөгөөд тэмцээнд оролцогч нь тухайн байгууллагадаа хамгийн багадаа сүүлийн гурван сар нийгмийн даатгал бөглөсөн байх шаардлагатай байдаг. Тэмцээний техникийн зөвлөгөөн 2019 оны гуравдугаар сарын 06-ны 15.00 цагт “Барилга.МН” оффист болно.
Тэмцээний ерөнхий зохион байгуулагчаар  “Барилга.МН” ажиллаж байгаа бол хамтран зохион байгуулагчаар Барилга, хот байгуулалтын яам, Барилгын хөгжлийн төв тус тус ажиллаж байгаа аж.  Дашрамд сонирхуулахад, шагналын сан нэлээд өндөр бөгөөд эхний гурван байрт шалгарсан баг, тамирчид цом, медаль, өргөмжлөл, мөнгөн шагнал, эрэгтэй, эмэгтэй шилдэг тоглогч тус бүр өргөмжлөл, мөнгөн шагнал гардах юм.
 


Эх сурвалж: Барилга.МН

Сэтгэгдэл (0)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.