Уншдаг, шинийг эрэлхийлдэг хүн үргэлж урд алхдаг…

Уншдаг, шинийг эрэлхийлдэг хүн үргэлж урд алхдаг…
       ...Мод бэлтгэдэг хоёр хүн ижил цаг хугацаанд харилцан адилгүй үр дүн үзүүлжээ. Нэг нь үүрээр босоод үдшийн бүрий хүртэл зогсоо зайгүй ажиллаж, ядарч сульдаж байсан ч өөрийгөө ялна гэдэгт итгэлтэй байлаа. Харин нөгөө нь  өдрийн 8 цаг унтаж амраад, цайгаа тухтай ууж, бага үд хүртэл сүхээ ирлэж байгаад модондоо гардаг хэрнээ үүрээр гараад үдшийн бүрий хүртэл ажилладаг өнөөх хүнээс  нэг дахин илүү мод бэлтгэсэн байв. Үр дүн гарч өнөөх эр бухимдаж, тийм байх боломжгүй гэж уурлахад, ялалт байгуулсан эр ийнхүү хэлжээ.
     -Ажил хийж, амжилт гаргана гэдэг бол  өөрийнхөөрөө муйхарлан зүтгэх биш, яавал бага хүчээр их бүтээмж  гаргах вэ гэсэн шинэ содон санааны эрэлхийлэл юм. Би таниас бага цаг ажилласан байж болох ч иртэй сүүхээр  илүү их мод бэлтгэж байсанд учир байгаа юм гэжээ.
      Дээрх жишээ шиг та эргэн тойрноо үл анзааран, уншиж судлах, шинэ санаа эрэлхийлэхээ умартаж, өөрийнхөөрөө зүтгэж байгаа юм биш биз? Тэгвэл таны оюун ухаанд шинэ санааны оч өгөх, барилгын салбарын дотоодын болон гадаадын хөгжил дэвшил, техник технолгийн гайхалтай нээлт, интерьер ахитектурын онцгой содон шийдлүүд, салбартаа тэргүүлэгчдийн үзэл бодол, өгөөжтэй ярилцлагууд нийтэлдэг Барилга.МН  сэтгүүл тасралтгүй нийтлэгдсээр 104 дахь дугаараа уншигч таны гарт хүргэж байна.

Энэ удаагийн дугаарт...

 
Амжилтын эзэд юу өгүүлэв
 
    ... “Амжилтын эзэд юу өгүүлэв” булангийн хоёр дахь удаагийн  дуэль ярилцлагын зочдоор  “Өрх” ХХК-ны  захирал А.Бат-Од, "Пи Си Ди Пи" ХХК-ийн зураг төслийн удирдлагын газрын дарга А.Энхтуяа нар оролцлоо.  
    ... Барилгын салбарт асуудал их байна л гэж яриад байдаг. Яг ямар асуудал байна вэ гэхээр судалгаа шинжилгээтэй, гаргалгааг тодорхойлсон зүйл ховор байдаг. Үүнийг орон сууны судалгаа гэх мэт зах зээл, эдийн засгийн судалгаатай хольж ойлгож болохгүй л дээ. Цэвэр техникийн болон үйл явцын асуудлын талаарх  судалгаа гэсэн үг юм.
     ... Өрсөлдөх гэдэг үгээр бодохоор тийм ч сайхан сонсголонтой үг биш байж болох ч хүн, байгаль, ан амьтад бүгд л хүссэн хүсээгүй өрсөлдөөн дунд амьдардаг. Байгалийнхаа шалгарлаар унах нь унаад ургах нь ургадаг. Амьтдын хувьд хүчтэй нь хүчгүйгээ барьж иддэг. Харин хүмүүсийн  тухайд чадалтай нь ялаад чадалгүй нь ялагддаг. Бүх зүйл өрсөлдөөн дунд явагдаж байдаг. Өрсөлдөөн бол өсч дэвшихийн эхлэл. Тиймээс өрсөлдөх чадвартай байна гэдэг нь хүч болоод хурд, чадвар хийгээд чансаа байгаагийн нэг илрэл гэх мэт барилгын салбарын болоод хувь хүний хөгжлийн талаар өөр, өөрсдийн үзэл бодлоо илэрхийлсэн сонирхолтой ярилцлагыг та эндээс унших боломжтой.

Амины орон сууцыг зөв төлөвлөх нь чухал

Сүүлийн үед иргэд хотын төвөөс холгүй боловч агаарын бохирдол багатай, байгальд ойр, очих, буцах зам сайтай, жилийн аль ч улиралд аж төрөх боломжтой, дундаж талбайтай орон сууцыг хямд төсөр зардлаар барихыг илүүд үзэх болов. Мөн хувийн орон сууц барих газарт цахилгааны шугам сүлжээ хүрсэн, халуун, хүйтэн ус хангамж, халаалт, бохир ус зайлуулах асуудлаа шийдэх боломжтой бол илүү сайн. Ийм орон сууцны ашиглалтын зардал ч харьцангуй бага байдаг.

Өөрийн  хүссэн байшин сууцаа барихын тулд юуны өмнө танд зөв төлөвлөлт, ухаалаг сонголт хийх зайлшгүй шаардлага тулгарна. Ийм хүсэл сонирхолтой иргэдэд зориулан амины орон сууцыг төлөвлөх, барих талаар цуврал зөвлөгөөг хүргэлээ. Дэлгэрэнгүйг сэтгүүлээс уншина уу.

“Ахуйн бохирдлыг боловсруулан ашиглах технологи”  аврах гарц мөн үү?

Олон нийтийн цахим сүлжээгээр утаа, хөрсний бохирдол, хог хаягдлыг нэгэн дор шийдэх шинэ технологийг монгол хүн амжилттай туршиж, агаарын бохирдолд дарлуулж,  аргаа барсан ард иргэдэд хонгилын үзүүрт гэрэл асав уу гэх итгэлийн оч өгсөн нэгэн постыг уншигч та магадгүй санаж буй биз. Тус постны доор 14.000 хол давсан сэтгэгдэл, 22 мянган лайк, 13 мянган шэйр хийснээс харахад монголчууд бид амьд явах эрхэд минь заналхийлж байгаа өнөөдрийн нөхцөл байдлыг сайжруулахын тулд  хэн хүнгүй гарц гаргалгаа эрэлхийлж, тэмцэж буйн нэг хэлбэр бизээ. Энэхүү гарцыг хэрхэн олж илрүүлсэн талаар “Ахуйн бохирдлыг боловсруулан ашиглах технологи” бидний авралын гарц мөн үү нийтлэлээс уншаарай.

Дулааны цахилгаан станцын үнсийг барилгын материалд хэрэглэх боломж

... Хаягдал үнсийг түүхий эд хэлбэрээр дахин ашиглаж, үйлдвэрлэх боломжтой бүтээгдэхүүний түүхий эдийн нөөц болгох олон боломж бий. Хаягдал үнсийг түүхий эд хэлбэрээр дахин ашиглавал эрчим хүчний хэмнэлтийг бий болгох ба эргээд байгалийн нөөцийг ч хэмнэх өргөн боломж нээгдэх учиртай гэх зэрэг сонирхолтой мэдээлэл “мэргэжилтний үг” буланд нийтлэгдлээ.


 

Хэн юу хэлэв

... Барилгын зураг төслийн хүрээнд тулгамдаж байгаа зарим асуудлын талаар төрийн болон төрийн бус байгууллагын төлөөллийн санал бодлыг хүргэж байна. Тэд барилгын салбарт тэр дундаа зураг төсөл зохиогчдод тулгарч буй бэрхшээл, шүүмжлэлтэй асуудал, алдаа онооны талаар илэн далангүй санал бодлоо илэрхийлсэн юм.

... Норм дүрэм, стандартаа уншдаггүй, мэдлэг чадвар сул цаашилбал экспертүүд ч хангалтгүй ажиллаж алдаатай зураг төсөл баталдаг. Зураг төслийн шинэ, залуу  боловсон хүчин буюу сүүлийн үед бэлтгэгдэж байгаа мэргэжилтнүүд учир дутагдалтай ажиллаж байна, үүнд бас норм, дүрмийн хоцрогдол ч нөлөөлж байгаа тухай олон асуудлыг хөндөн ярилцлаа.


Зөвшөөрөлгүй барилга барина гэсэн ойлголт манайхаас өөр оронд байхгүй

... Барилгын ажлыг эхлүүлэх, үргэлжлүүлэх зөвшөөрлийг авахдаа албан байгууллага болоод иргэд юуг анхаарч, ямар бичиг баримт бүрдүүлэх ёстой вэ?  Зөвшөөрөл шийдэгдэх хугацаа хэд хоног байдаг вэ, бид юун дээр анхаарах ёстой вэ гэх мэт олон асуултын хариуг Нийслэлийн хот төлөвлөлт, ерөнхий төлөвлөгөөний газрын Барилгын хяналтын инженер Ж.Мөнх-Эрдэнэтэй хийсэн ярилцлагыг тодруулга булангаас унших боломжтой.


 

 

Дулаалгын материалын импортын зах зээлийн судалгаа

      ...“Барилга Эм Эн” ХХК-иас сар бүр барилгын онцлох нэг бүтээгдэхүүнийг сонгон зах зээлийн судалгаа хийдэг билээ. Энэ сард дулаалгын материалыг сонгон зах зээлийн судалгааг хийлээ. Дулаалгын материалд шилэн хөвөн, хөөсөнцөр хавтан, эрдэс чулуун хөвөнг хамруулсан судалгааны дэлгэрэнгүйг унших боломжтой. 
Энэ мэт барилгын салбарын мэдээ мэдээлэл, сонирхолтой ярилцлага тус сэтгүүлд багтлаа.



 

Сэтгүүлийн 2019 оны шинэ дугаарыг хүргүүлж авах бол энд дарж захиална уу.

 

"Барилга.МН" сэтгүүлийг "Номин" болон "Оргил" сүлжээ дэлгүүрийн салбарууд, номын дэлгүүрүүд, сонин сэтгүүл борлуулах цэгүүдээс худалдан аваарай.
 
Утас: 91000233, 77111777
 

 

 
Эх сурвалж: Барилга.МН

Сэтгэгдэл (0)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.