Энэ сарын 01-нээс мөрдөж эхэлсэн орон сууцны хөнгөлөлттэй зээлийн журам

Энэ сарын 01-нээс  мөрдөж эхэлсэн орон сууцны хөнгөлөлттэй зээлийн журам

        “Орон сууцны хөнгөлөлттэй зээлийн санхүүжилтийн журам”-ыг энэ сарын 01-нээс мөрдөж эхэлж байгаа билээ. Өнгөрсөн оны хувьд Монголбанкны эх үүсвэрээс 191 тэрбум төгрөгийн санхүүжилтийг 2,768 иргэнд, Засгийн газрын эх үүсвэрээс 118 тэрбум төгрөгийг 1,908 иргэнд олгосон байдаг. Харин өнөө жилийн хувьд ипотекийн зээлийн санхүүжилтийг нэмж, зээлийн эх үүсвэрт 500-600 тэрбум төгрөг зарцуулснаар 9000-10000 иргэний зээлийг шийдвэрлэх боломж бүрдэнэ гэж үзэж байгаа  аж. 

     Дээрх журмаар орон сууцанд тавигдах шаардлага нь “...Орон сууц хувьчлах тухай хуулийн 3.1, 3.3-т заасан тодорхойлолтод нийцсэн, аймаг, нийслэл, хот тосгоны хөгжлийн ерөнхий төлөвлөгөө, орон сууцны хотхон, хорооллын хэсэгчилсэн ерөнхий төлөвлөгөөний дагуу баригдсан, нийт талбайн хэмжээ 80 м2-аас ихгүй байх ёстой.

     Харин амины орон сууц нь “...аймаг, нийслэл, хот тосгоны хөгжлийн ерөнхий төлөвлөгөө, орон сууцны хотхон, хорооллын хэсэгчилсэн ерөнхий төлөвлөгөөний дагуу баригдахаар төлөвлөгдсөн байхын зэрэгцээ эрчим хүчний хэмнэлттэй, Барилга, хот байгуулалтын сайдын баталсан “Нэг айлын сууц” (БНбД-31-101-05), “Нэг айлын орон сууцны барилгын төлөвлөлт, угсралт” (БНбД-31-09-07) барилгын норм ба дүрмийн шаардлага хангасан, энэ журмын 1.4-т заасан цахим мэдээллийн нэгдсэн сангаас амины орон сууцны нэг маягийн зураг төслийг сонгосон, эсхүл энэ журмын 2.2.1-2.2.4-т заасан шаардлагыг хангасан амины орон сууцны зураг төсөлтэй байх, орон сууцны нийт талбайн хэмжээг “Орон сууцны барилгын доторх сууцны талбай тооцох аргачлал” MNS 6058:2009 стандартын дагуу тооцно” зэрэг шаардлагыг хангасан байх ёстой аж.
 
          Журмыг дэлгэрэнгүй уншиж танилцана уу 

Эх сурвалж: Барилга.МН

Сэтгэгдэл (0)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.