Дараагийн архитектурийн төсөлдөө металл хавтан ашиглахын 9 давуу тал

Дараагийн архитектурийн төсөлдөө металл хавтан ашиглахын 9 давуу тал
Архитектурын сүүлийн үеийн өвөрмөц содон, шинэлэг шийдэлд металл хавтанг сонгож хэрэглэх нь ихэссэн бөгөөд энэ нь бат бөх чанарыг нь харгалзан үзэхээс гадна олон талт ажиллагаа, хувиран өөрчлөгдөх чадвар, шинэлэг харагдах байдал, хөнгөн жин, суурилуулалт хийхэд хялбархан зэрэг олон давуу талтай учир метал хавтанг илүү их сонгох болсон.  Иймээс таны дараагийн төсөлд шинэлэг, загварлаг, орчин үеийн дүр төрхийг нэмэх  дараах 9 давуу талыг танилцуулж байна.
  1. Олон талт байдал
Металл хавтанг барилгын төслийн аль ч хэсэгт ашиглаж болно. Харьцангуй жин багатай суурьлуулахад хялбар учир барилгын бүх хэсэгт хэрэглэхэд танд ямар ч асуудал үүсэхгүй. Мөн түүнчлэн металл хавтанг дээврийн тавцан болон зарим хэсгийг тодотгох зорилгоор эмжээр, тааз болон судал зурвас зэргээр ашиглаж болно.
Дотоод заслын хувьд, хөнгөн цагаан хавтанг уламжлалт мод болон драйволлын оронд хэрэглэснээр хана болон таазны хэсэгт өвөрмөц өнгө үзэмж оруулж, бат бөх болон эдэлгээ удаан байхаас гадна харахад хүртэл үзэмжтэй байна. Олон янзын материалаас сонгосноор энгийн металл төрхөөс авхуулаад гоёмсог орчин үеийн зэвэрдэггүй ган дизайныг үйлдвэрлэж болно.
  1. Загварын өргөн цар хүрээ
Металл хавтангууд нь олон зуун янзын загвар болон технологийн сонголтуудтай. Хавтангууд нь хавтгай эсвэл янз бүрийн ховилтой, гөлгөр эсвэл олон янзын бүтэцтэй байдаг. Тэдгээр нь байгалийн метал эцсийн бүтээгдэхүүн шиг, өнгөлсөн эсхүл олон тооны өнгөөр будагдсан эсвэл өнгөлгөөтэй модон гадаргуутай холимог хавтангаар хийгдсэн байдаг. Метал хавтангууд нь маш олон төрлийн дизайнаар хийгдэх боломжтой тул бараг бүх төрлийн барилгуудад тохиромжтой байдаг, Жишээ нь: Худалдааны, үйлдвэрийн эсвэл бүр орон сууцанд гайхалтай зохицно.
  1. Материалын сонголт
Металл хавтанг уламжлалт барилгын хийцээс илүү олон талаар ашиглах зориулалттай тул олон төрлийн материал ашиглаж хийдэг. Тэдгээр нь цайрын хайлш, ган, цайрдсан ган, зэвэрдэггүй ган, хөнгөн цагаан, эсвэл бүр зэсээр хийгдэж болно. Цайр, цайрдсан ган, хөнгөн цагаан материалууд нь ихэвчлэн гадна дизайнд ихээр хэрэглэгддэг учир нь зэврэлтэнд тэсвэртэй харин зэс, зэвэрдэггүй ган нь дотоод засалд ихээр хэрэглэгддэг.
  1. Байгаль орчинд ээлтэй байдал
Энэ төрлийн материалууд нь дахин боловсруулсан агууламжийг агуулдаг тул байгаль орчинд ээлтэй ба хог хаягдлын урсгал дахь материалын хэмжээг багасгадаг. Үүнээс гадна, тэдгээр нь ашиглалтын хугацаа дууссаны дараа нийтлэг металлуудаас хийгдсэн тул тэдгээрийг дахин боловсруулахад хялбар байдаг. Энэ нь шинэ материалын олборлох болон олборлоход шаардагдах нүүрстөрөгчийн хэмжээг багасгадаг.
  1. Эдэлгээ
Металл хавтан нь хана, дээвэр, дээврийн тавцан зэрэг гаднах зориулалтаар ашиглахад маш бат бөх байдаг. Тэд мөндөр мөн нисдэг объект гэх мэт гадны нөлөөнд амархан гэмтдэггүй хүчтэй гадаргуутай бөгөөд материалын чанар болон суурилуулалтаас хамаараад зэврэлт, цахилгаан химийн урвалд тэсвэртэй. Интерьерт ашиглахад мод, хуурай хана болон олон тооны материалтай харьцуулахад хавь илүү бат бөх байдаг. Ерөнхийдөө тэд маш удаан эдэлгээтэй бөгөөд засвар үйлчилгээ бараг шаардагддаггүй.
  1. Хөнгөн жин
Гадна талд хэрэглэгдэхэд металл хавтан нь бетон, өрлөг зэрэг бусад хананы хавтантай харьцуулахад маш хөнгөн. Энэ нь хананы хавтанг бүтээх бүтцийн бүрэлдэхүүн хэсгийн ачааллыг багасгана, мөн түүнчлэн барилгын зардал болон суурилуулалтын зардлыг давхар багасгаж өгдөг онцлогтой. Дотоод дизайны хувьд, ашигласан материалын төрлөөс хамааран хананы хавтан нь хуурай хана болон бусад материалтай харьцуулахад хөнгөн байдаг.
  1. Хэлбэржүүлэлт
Бетон, өрлөгийн бүтээгдэхүүн, хуурай хананы хавтан, модтой харьцуулахад метал хавтангууд нь муруй буюу гурван хэмжээст объектууд гэх мэт өвөрмөц дизайнтай төслүүдийн хэлбэрүүдийг үүсгэхэд ашиглагддаг. Зарим хавтангуудыг муруй хэлбэр үүсгэхийн тулд амархан нугалж болох бөгөөд зарим нь хүссэн хэлбэрээр суулгахад зориулж тусгайлан загварчилж болдог. Төмөр нь уян хатан материал учир өрсөлдөгч материалуудтай харьцуулахад илүү олон загварыг санал болгодог.
  1. Суурилуулатын хялбар байдал
Бетон, тоосго, блок болон бусад өрлөгийн бүтээгдэхүүн зэрэг материалууд нь суурилуулахад хэцүү, хөдөлмөр их шаарддаг бөгөөд удаан, төвөгтэй байдаг. Харин металл хавтангууд нь том, хөнгөн хэсгүүдэд хуваагдсан байдаг тул өрсөлдөхүйц бүтээгдэхүүнээс хамаагүй илүү хурднаар илүү том талбайг бүрхэх чадвартай. Барилгын талбайг хурдан битүүмжлэх хэрэгтэй бол металл хавтан нь төгс бүтээгдэхүүн юм.
  1. Зардал
Гадна өрөлтийг хийхэд, металл хавтан нь бетон болон өрлөгийн бүтээгдэхүүнтэй харьцуулахад ихээхэн хэмжээний хэмнэлт гаргаж чаддаг. Ялангуяа материалын болон хөдөлмөрийн аль алиных нь өртөг зардлыг тооцоолбол металл хавтан нь зардлын хувь хамаагүй хямд юм. Арчилгааны хувьд ч гэсэн металл хавтан нь бусад материалуудтай харьцуулахад урт хугацааны туршид зардал арчилгаа багатай байдаг.
Эдгээр нь металл хавтанг санал болгох хэд хэдэн ашигтай талуудын цөөхөн нь юм. Металл хавтангийн бат бөх байдал, олон талт байдал, харьцангуй хялбар суурилуулалт зэрэг үзүүлтээс шалтгаалан ямар ч барилгын хувьд маш сайн сонголт болж чадна. Энэ  нь таны архитектурын дараагийн төсөлд орчин үеийн дүр төрх, бат бөх найдвартай байдлыг бий болгож чадна гэдэгт бүрэн итгэлтэй байна.

 

Мэдэгдэл: 

"Рено" компани 2018 оны сүүлийн хагас жилийн хугацаанд барилгын гадна хѳнгѳн цагаан фасадны ажил гүйцэтгэх нийт 28 гэрээт ажлын захиалга хүлээн авснаас нийт гүйцэтгэл 90% - тай буюу 26 гэрээт ажлыг мэргэжлийн ѳндѳр тѳвшинд амжилттай хийж дуусгалаа. Үлдсэн 2 гэрээт ажлын гүйцэтгэл 85%-тай явагдаж байна. 

Бид ѳнгѳрѳгч 2018 онд хѳнгѳн цагаан фасадны материал ажлын хөлс орсон үнээр 1м.кв фасадыг 135,000 тѳгрѳгѳѳр гүйцэтгэж байсан ба валютын ханшийн ѳсѳлтѳѳс шалтгаалан 2019.02.01 ѳдрѳѳс хѳнгѳн цагаан фасадны 1 м.кв ажил гүйцэтгэх 150,000 тѳгрѳг болгон нэмэгдүүлж байгааг мэдэгдэж байна.
Нийт харилцагч та бүхэндээ зориулан 2019 оны 2 сарын 1-ээс өмнө гэрээ байгуулсан тохиолдолд хуучин үнээр буюу 135,000 тѳгрѳгѳѳр ажил гүйцэтгэх болсныг дуулгахад таатай байна.

Эрхэм харилцагч та яараарай!

Вэб сайт: www.reno.mn
Утас: 88883387


Эх сурвалж: Рено Констракшн ХХК

Сэтгэгдэл (0)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.