53 сая ам.долларын буцалтгүй тусламжийн хүрээнд 10000 айлын орон сууц барина

53 сая ам.долларын буцалтгүй тусламжийн хүрээнд 10000 айлын орон сууц барина

      Азийн хөгжлийн банк (АХБ) болон Монгол Улсын Засгийн газар Улаанбаатар хотын гэр хорооллыг орлогод нийцсэн, нүүрсхүчлийн хийн ялгарал багатай, уур амьсгалын өөрчлөлтөд тэсвэртэй эко хороолол болгон хөгжүүлэх 53 сая ам.долларын буцалтгүй тусламжийн хэлэлцээрт өчигдөр гарын үсэг зурлаа.

       Төслөөр нийтийн аж ахуйн үйлчилгээгээр хангагдсан, ногоон байгууламж, дэлгүүр хоршоо болон ажлын байрны хүртээмж сайтай, байгаль орчинд ээлтэй 20 орчим шинэ эко хороололд 10000 айлын орон сууц барих юм. Эдгээр орон сууцны 1500 нь түрээсийн орон сууц байх бол 5500 нь орлогод нийцсэн. Харин үлдсэн 3000 орон сууц нь зах зээлийн үнээр борлуулагдах ажээ. Үүний зэрэгцээ удахгүй АХБ-наас олгох 80 сая ам.долларын хөнгөлөлттэй зээл болон Уур амьсгалын ногоон сангаас олгох 95 сая ам.долларын хөнгөлөлттэй зээлийн хэлэлцээрт гарын үсэг зурах юм байна. Мөн нэмэлтээр 300 сая ам.долларын хөрөнгө оруулалтыг барилгын компаниуд, арилжааны банкууд, төслийн үр дүнг хүртэгчид зэрэг оролцогч талуудаас босгохоор тооцоолжээ. Эко хорооллуудыг бий болгох энэхүү ажил нь газрыг сайн дурын үндсэн дээр орон сууцаар солих зарчимд тулгуурлан хэрэгжих юм. Тодруулбал, төлөвлөж буй эко хорооллын нутаг дэвсгэрт газар өмчилдөг эсвэл түрээсэлдэг иргэн нь гэр горооллын хашаа, байшингаас шинэ орон сууцанд шилжин суурьших хөтөлбөрт хамрагдах эсэхээ өөрөө сонгох ажээ.  
Эх сурвалж: Барилга.МН

Сэтгэгдэл (2)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

    Зочин 26 өдрийн өмнө 202.55.188.43

    Энэ төслийн нарийн тодорхой байршил нь хаагуур төлөвлөгдөж байгаа юм бол
    Зочин 26 өдрийн өмнө 139.5.217.35

    Одоо УБ-т барих юмнууд хангалттай боллоо. Хөдөө орон нутагт бүх хөрөнгө оруулалтаа чиглүүлээч, үйлдвэр, үйлчилгээ, тансаг орон сууцууд г. м.