“Барилга.МН” сэтгүүлийн шинэ дугаар уншигч Таны гар дээр очлоо

“Барилга.МН” сэтгүүлийн шинэ дугаар уншигч Таны гар дээр очлоо
Бүтээн байгуулагчдынхаа дэргэд ямагт хамтдаа байж, бүтээж босгож, хийж хэрэгжүүлсэн ажил бүхний тань тухай нийтлэл, мэдээллийг уншигчиддаа цаг алдалгүй хүргэхийн зэрэгцээ салбарынхандаа мэдлэг, мэдээлэл түгээх үүрэг зорилгоо биелүүлж ирсэн “Барилга.МН” сэтгүүлийн шинэ дугаар уншигч Таны гар дээр очлоо.
Монгол Улсын зөвлөх гурван инженерийн хөндсөн сэдэв-Цемент















       Энэ удаагийн дугаарт салбарынхан бол иргэдэд хэрэгтэй, санаа, ажил болгож хэрэгжүүлэх олон, олон сонирхолтой, уншууртай нийтлэл, ярилцлага багтсаныг онцлон дурдмаар байна. Түүний нэг нь “Авто замын бетон хучилтын зориулалттай цементийн тухай ойлголт” нийтлэл юм. Монгол Улсын зөвлөх инженер О.Лхагвадорж, Т.Цоодол, Б.Мөнхбаяр нарын хөндөж тавьсан энэхүү сонирхолтой нийтлэлд стандартуудын харьцуулалт, цементийн ангилал, тэмдэглэгээний ялгаа, химийн найрлага болон, чулуунцарт тавигдах нэмэлт шаардлага, гулзайлтын үеийн суналтын бат бэхийн шаардлагын талаар өгүүлэхийн зэрэгцээ манай улсад замын бетоны зориулалттай цементийн стандарт зайлшгүй шаардлагатай талаар хөндөж тавьсан сонирхолтой нийтлэлийг уншихыг зөвлөж байна.
Модон ба металл хөөс хоорондоо тохирох уу

Модон ба металл хөөс хоорондоо хэр тохирох бол. Энэ талаар Та бодож байсан уу. Үүнд хариулт өгөх нэгэн судалгааг ХБНГУ-ын Фрауэнхофын ба Вилгельм Клаудицийн институтын эрдэмтэд хамтран судалгаа хийхэд тун сонирхолтой, нөгөө талаар хүний гайхшил төрүүлэм үр дүн гарчээ. Огт өөр төрлийн энэ хоёр материал тохирох эсэх талаар мэдэхийг хүсч байвал манай сэтгүүлийн “Дэвшилтэт технологи” булангаар зочлоорой. Таныг лав уйдаахгүй.
Шинэ жилээс өмнө байр, орон сууц авахаар, худалдахаар яарч байна уу, тэгвэл ...



Шинэ жилээс өмнө байр, орон сууц худалдаж авахаар хайж байгаа болон барьсан барилга, орон сууцаа худалдаж борлуулахыг хүсч байгаа хувь хүн, албан байгууллагууд нэлээдгүй бий. Тэгвэл эдгээр уншигч, хэрэглэгчдэдээ зориулсан нийтлэл, судалгаа, үнэ ханш гээд багц мэдээлэл Таныг хүлээж байна. Тухайлбал,  шинээр баригдсан, эзнээ хүлээж байгаа орон сууцыг дүүрэг тус бүрээр ялгаж үнэ ханш, өрөөний хэмжээ, сонголтын талаарх “шинэхэн” мэдээллийг авах бүрэн боломжтой.
 Харин орон сууцаа худалдаж, борлуулахыг хүсч байгаа хувь хүн, албан байгууллагуудад Барилга, хот байгуулалтын яамнаас гаргасан ойрын гурван жилийн орон сууцны эрэлт хэрэгцээг тодорхойлсон “Монгол Улсын орон сууцны зах зээлийн эрэлт, нийлүүлтийн судалгаа” нийтлэлийг уншихыг зөвлөж байна. Үүнд нийслэл болон улсын хэмжээнд орон сууцны нийлүүлэлт хэр байгаа, гэр хорооллын дахин төлөвлөлтийн хүрээнд хийгдэх ажил гээд үг бүр нь “үнэ” дагуулсан материал тул онцолж нэг уншаарай.

Хэв маяг, тав тухаа өөрчлөхөд тань туслах  оновчтой санаануудыг санал болголоо

Угаалгын өрөөнийхөө хэв маяг, тав тухаа өөрчлөхөөр зорьж буй гэрийн эзэгтэй нэлээдгүй байгаа. Зөвхөн эзэгтэй нарт ч биш амины орон сууц барьж буй хүн бүрт туслах, донж маягийг тааруулсан санаануудыг энэ удаагийн “Мэргэжлийн зөвлөмж” буланд багтсаныг дуулгахад таатай байна. Талбай хэмнэх шилдэг шийдэл, гэрэл муутайг гэгээтэй болгох “бяцхан заль”, тайван орчин бүрдүүлэхэд юу туслах талаар гэх мэтээр хэрэгжүүлэхэд хялбар зүйлсийг энгийн, ойлгомжтой байдлаар зөвлөсөн байгаа.  
Хүйтэн цаг уурын нөхцөлд бетон хэрхэн цутгах вэ

Хүйтэн цаг уурын бетоны хамгийн бага температурыг хэрхэн тогтоох, өвлийн нөхцөлд бетон цутгах технологи ямар байх болон үйлдвэрлэгч,захиалагчийн талаас юуг тусгаж өгөх шаардлагатай, бетон цутгахад анхаарах болон гарч болох эрсдэл гээд өвлийн энэ хүйтэн өдрүүдэд барилгачдад нэн хэрэгтэй энэхүү зөвлөмжийг заавал уншихыг зөвлөж байна. Мөн байр орон сууцны дулаан алдагдлыг хэрхэн багасгах, дулаалгатай дотор ханын болон дулаалгатай дотор шалны бүтэц, дээвэр, тааз, цонх, ханын дотор, гадна дулаалгын талаар хэрэгтэй бөгөөд ашигтай зөвлөгөөг “Амины орон сууцны зөвлөмж” булангаас харах боломжтой. 
"Барилга.МН" ХХК-аас сар бүр барилгын онцлох нэг бүтээгдэхүүнийг сонгож зах зээлийн судалгаа хийж, танилцуулдаг. Энэ удаад барилгын гол түүхий эд материал болох фанер, ДСП, OSB, үртсэн MDF хавтангийн зах зээлийг харьцуулж судалсныг "Судалгаа" булангаас харах боломжтой. 
Валютын ханшийн өсөлтөнд барилгын материалын үнэ хэр "нэрвэгдсэн" бол...  

Валютын ханшийн өсөлтөнд барилгын материалын үнэ ханш хэр “нэрвэгдсэн” бол. Энэ талаар мэдэхийг хүсч байвал "Үнэ ханш" булангаар зочлохыг урьж байна. Цемент, элс, хайрга, дайрга, арматур, төмөр хийц, төрөл бүрийн хавтан, заслын материал, чулуут өнгөлөгөөний материал, тоосго блок, модон материал гээд барилгын бүхиий л материалын үнэ ханшийг 2018 оны 11 дүгээр сарын 20-ны байдлаар буюу хамгийн сүүлийн үеийн байдлаар манай сэтгүүлийн энэ удаагийн дугаараас сонирхсоноор Танд судалгаа, тооцоо, төсвөө гаргахад тун чиг тус болно гэдэгт бүрэн итгэлтэй байна.
Эх сурвалж: Барилга.МН

Сэтгэгдэл (0)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.