Чөлөөт индэр: Утаанаас салах хамгийн үр дүнтэй ажил нь орон сууцжуулах юм

Чөлөөт индэр: Утаанаас салах хамгийн үр дүнтэй  ажил нь орон сууцжуулах юм

Барилгын салбарын удирдах ажилтан, инженер, барилгачид, хэрэглэгч гээд хүн бүрийн дуу хоолой, үзэл бодлыг олон нийтэд түгээх зорилгоор “Барилга.МН” дэргэдээ “Чөлөөт индэр”-тэй болсон талаар бид өмнө нь мэдээлж байсан. Энд та бүхэн салбартаа тулгамдаж буй асуудал, цаг үеийн нөхцөл байдлын талаар үг хэлэх эрхээ чөлөөтэй эдлэхийн зэрэгцээ гол нь таны дэвшүүлж буй санал, санаачлага, шүүмжилж буй сэдэв цаг үеийн асуудлаа хөндөж чадсан, үнэн бодитой байх ёстой гэдэг шалгуурыг бид тавьж буй. Өөрийн үзэл бодол, дуу хоолойгоо илэрхийлэхийг хүссэн хүн бүхэнд “Чөлөөт индэр” нээлттэй тул Та бүхнийг урьж байна.

Энэ удаагийн “Чөлөөт индэр”-т “Ишиг уул” ХХК-ийн гүйцэтгэх захирал Н.Энхтуяа оролцож, үзэл бодлоо илэрхийллээ.

-Хүний хамгийн үнэт эрдэнэ бол эрүүл мэнд билээ. Хүний эрүүл явах үндэс нь цэвэр агаараар амьсгалах бөгөөд хүн хоол тэжээлгүйгээр хэдэн хоног явж чадах боловч хүчилтөрөгчгүйгээр хэдэн хором ч байж чадахгүй. Гэтэл өнөөдөр Улаанбаатар хотын агаарын бохирдол, хорт утаа, хүн амын төвлөрөл энэ бүхнээс үүдэж янз бүрийн өвчин гарах боллоо. Хэдийгээр төрийн дээд байгууллагууд шат шатандаа арга хэмжээ авч, холбогдох ажлыг зохион байгуулж байгаа ч зарим зүйл дээр учир дутагдалтай байна. Иймээс энэ талаар өөрийн үзэл бодлоо илэрхийлэхийг хүссэн юм. Бид утаатай тэмцэнэ гэж олон жил ярилаа. Харамсалтай нь одоо болтол шийдэж чадсангүй. Үнэндээ, нийслэл хотыг утаанаас салгах хамгийн гол, үр дүнтэй  ажил нь орон сууцжуулах юм. Ингэхдээ газар нутгаа бүрэн ашиглаж дэд бүтцийг хурдтай хөгжүүлэх хэрэгтэй байна.

Дэд бүтэц хөгжсөн цагт иргэд өөрсдийн хүссэн газартаа амины орон сууц болон байр, орон сууцаа өөрийн сонголтоор, хүссэн хэв загвараар барих боломж бүрдэнэ. Гэхдээ ийм нөхцөл байдалд газрын үнэлгээний асуудал ихээр хөндөгдөх болно. Учир нь 1997 онд газрын үнэлгээ хийгдэж үүнээс 20 гаруй жилийн дараа буюу 2018 оны нэгдүгээр сарын сүүлээр дахин шинэчлэгдсэн. Иймээс энэ шинэчлэлийг хүн бүр мэдэх хэрэгтэй. Нөгөө талаар энэ шинэчлэлийн талаар болон газар ашиглалтын төлбөр, татвар, газар эзэмшүүлэх тухай, ашиглуулах эрхийн дуудлага худалдааны анхны үнэ, энэ үнийг тооцох аргачлал, газар ашиглалтын зөв оновчтой төлөвлөлт болон газрын бүсчлэлийн талаарх тогтоол, журмын мэдээллийг “Барилга.МН” сэтгүүл,  сайтдаа нийтэлж өгнө үү.

 
Эх сурвалж: Барилга.МН

Сэтгэгдэл (1)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

    зочин 8 өдрийн өмнө 202.179.26.69

    Утаанаас яаж салах вэ гэж барилгын салбарын хүнээс асуухад нөгөөх барилга барих л гэж хэлнэ биз дээ? Тэр хүнд УБ-ын төвлөрлийг сааруулж аймаг, сумандаа сайхан амьдрах нөхцлийг бүрдүүлэх гэж хэлэх ухаан байхгүй шүү дээ. УБ-ын 80-гаран маянган эзэнгүй сууцыг яах гэгж байгаа юм? АХБ-наас яагаад олон зуун сая $ зээл орон сууц барих гэж байна вэ? Энэ орон сууцжуулах ба барилгажуулах төслүүдийн усны тооцоо хаана байна вэ? УБ удахгүй усгүй болно гээд байдаг, усгүй болох гэж байгаа газар ард түмний нуруунд үүрүүлэх өрөөр санхүүжих оросууцжуулалтын төслийн хэн батлаад байна? Өмнөх авилгын асуудлуудаа хуримтлагда нөлөөллийн үнэлгээнд оруулж байна уу?