Гудамжны урлагийг жуулчдын анхаарлын төв болгож чадсан Ром хотын “тактик”

Гудамжны урлагийг жуулчдын анхаарлын төв болгож чадсан  Ром хотын “тактик”


  Ром хот бол архитектурын эх орон. Уламжлалт хот төлөвлөлт болон хуучин хотоо орчин үеийн шаардлагад нийцүүлсэн Европ тивийн томоохон метрополис хотуудын нэг юм. Эртний Ром хотыг харах гэж жилийн бүх улиралд нутгийн иргэдээс илүү жуулчид ихээр ирдэг. Энэ боломжийг  ашиглаад олон төрлийн сонирхолтой зүйлсийг иргэддээ, ирээдүйдээ болон жуулчдад зориулан бүтээсээр л байна. Үүний хамгийн сонирхолтой төлөвлөгөөний нэг бол Ром хотын Остиэнс дүүрэг юм.

Италичууд энэ дүүргийг Ромын “Үнсгэлжин” гэж нэрлэдэг. Анх эртний Ромын үед нийслэлийг Остиа хоттой стратегийн боомтын холболтын төв байхаар зориулж барьж байжээ. Үүнээс эхлэн энэ дүүрэг ажилчдын орон сууцны бүс дүүрэг болсон бөгөөд  сүүлийн хэдэн жил хүртэл нам гүм алслагдсан энгийн амьдрал, хуучирч, нурж унасан барилгуудаар хүрээлэгдсэн чимээгүй суурин болон хувирсан юм. Харин 2014 оноос эхлэн хот суурин газар, соёл, нийгмийн шинэчлэл хийх зорилгоор явуулсан олон нийтийн урлагийн төслийг эхлүүлсэн ба энэ нь тус дүүрэгт шинэ амьдрал нээж, асар хурдацтай өөрчлөгдөж, шинэ, шинэ олон төрлийн ресторан, дэлгүүр болон жуулчдын очиж сонирхох дуртай газруудын нэг болон хувирчээ. Дүүргийн оршин суугчид ч энэ үйл ажиллагаанд их сэтгэл хангалуун байна.

Дэлхийн  өөр, өөр улс орны 20 зураач хотын захын Via Di Tor Marancia орчим талбайд 11 барилгын гадна хананд гайхалтай зураг зурсан. Товчоор хэлбэл, агаар дахь үнэгүй уран зургийн галларей гэсэн үг. Ром хот тэр чигтээ музей хот болон хувирч байгаагийн нэг жишээ энэ юм. Энэхүү ажлыг Франсеска Мезано санаачилж, “999 хөтөлбөрийн соёлын холбоо”, тус улсын Соёл, урлаг, аялал жуулчлалын яам болон “Капитал” корпорацийн дэмжлэгтэйгээр зохион байгуулжээ.
 








Эх сурвалж: Барилга.МН

Сэтгэгдэл (1)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

    хүрээ 9 өдрийн өмнө 43.242.243.253

    ухаалаг хүмүүсээ сонгож удирдуулсан газраас үргэлж гэрэл гэгээтэй сайхан мэдээ голлон сонмогдох юм