“Хангарьд ордон”-ы барилгыг хувьчлахаар болжээ

“Хангарьд ордон”-ы барилгыг хувьчлахаар болжээ
 
     Нийслэлийн Өмчийн харилцааны газраас Нийслэлийн Иргэдийн төлөөлөгчдийн ээлжит ХХ хуралдааны үеэр ирэх онд хувьчлах хуулийн этгээд, эд хөрөнгийн жагсаалтыг танилцуулсан байна.
Тухайлбал, хуулийн этгээд буюу Багахангай дүүргийн “Багахангай мах боловсруулах үйлдвэр” ОНӨААТҮГ, Булган аймгийн Хялганат тосгоны “Үртсэн шахмал түлшний үйлдвэр” ОНӨААТҮГ-ыг тус бүр менежментийн гэрээний үр дүнг харгалзан хувьчлах юм байна. Мөн Чингэлтэй дүүргийн нэгдүгээр хороо нийслэлийн засаг захиргааны “Хангарьд ордон”-ы барилга, нийслэлийн засаг захиргааны дөрөвдүгээр байрны барилга буюу хуучнаар Бизнес хөгжлийн төвийн барилга, Баянгол дүүргийн долдугаар хороо “Монгол шуудан” ТӨХК-ийн түрээсээр эзэмшиж байсан байрны хоёрдугаар хэсэг зэрэг хэд хэдэн газрыг нээлттэй дуудлага худалдаагаар худалдах аж. Ингэснээр нийслэлийн төсөвт 90.1 тэрбум төгрөг төвлөрүүлэхээр тооцжээ.  
Эх сурвалж: Барилга.МН

Сэтгэгдэл (0)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.