Бүтээгдэхүүн баталгаажуулалтын итгэмжлэгдсэн байгууллага шинээр нэмэгдлээ

Бүтээгдэхүүн баталгаажуулалтын итгэмжлэгдсэн  байгууллага шинээр нэмэгдлээ
  Барилгын хөгжлийн үндэсний нэгдсэн төвийн Бүтээгдэхүүн баталгаажуулалтын алба нь бүтээгдэхүүн баталгаажуулалтын байгууллагад тавигдах шаардлага MNS ISO/IEC 17065:2013 стандартын шаардлага хангаж, барилгын материалын үйлдвэрийн бүтээгдэхүүнд баталгаажуулалт хийж тохирлын гэрчилгээ олгох эрхийг гардан авлаа.

   Стандарт хэмжил зүйн газрын даргын 2018 оны есдүгээр сарын 26-ны өдрийн А/312 тоот тушаалаар тус албанд “Дугаар РС-06” итгэмжлэлийн гэрчилгээг хоёр жилийн хугацаатайгаар олгожээ. Ингэснээр уг итгэмжлэлийн хүрээнд 53 нэр төрлийн барилгын материал, хийц эдлэхүүнд тохирлын гэрчилгээ олгох аж.
Тус алба нь 2015 онооос хойш баталгаажуулалтын үйл ажиллагаа явуулж эхэлсэн бөгөөд сүүлийн гурван жилд 100 үйлдвэрийн 125 бүтээгдэхүүнд тохирлын гэрчилгээ олгожээ.


Эх сурвалж: Барилга.МН сэтгүүл

Сэтгэгдэл (0)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.