Монгол улсын орон сууцны зах зээлийн эрэлт, нийлүүлэлтийн судалгаа

Монгол улсын орон сууцны зах зээлийн эрэлт,  нийлүүлэлтийн судалгаа
Барилга, Хот Байгуулалтын Яамнаас Монгол Улсын ойрын гурван жилийн орон сууцны эрэлт хэрэгцээг тодорхойлсон “Монгол Улсын орон сууцны зах зээлийн эрэлт, нийлүүлэлтийн судалгаа” гаргасныг цувралаар хүргэж байна. Өмнөх дугааруудад зорилтот бүлгүүдийн орон сууцны хэрэгцээ, 35 хүртэлх насны залуу гэр бүл, 18 болон түүнээс доош насны дөрөв ба түүнээс дээш хүүхэдтэй, өндөр настай, хөгжлийн бэрхшээлтэй өрхийн тоо болон түрээсийн орон сууцны эрэлт, хэрэгцээ зэрэг мэдээллээс хүргэсэн. Энэ дугаарт уг судалгааны мэдээллийг үргэлжлүүлэн дараах байдлаар бэлтгэлээ.
 
Төрийн албан хаагчийн орон сууцны эрэлт
  Монгол Улсын хэмжээнд 2017 оны байдлаар нийт 192,475 төрийн албан хаагч ажиллаж байна. Нийт төрийн албан хаагчийн 49,3 хувийг Улаанбаатар хотын төрийн албан хаагчид эзэлж байна. 127,585 төрийн албан хаагч нь өөрийн эзэмшлийн сууцтай бөгөөд, 5442 төрийн албан хаагч нь бусдын өмчлөлийн сууцанд түрээсээр амьдардаг бол 5626 төрийн албан хаагч нь  бусдын өмчлөлийн сууцанд төлбөргүйгээр амьдарч байна. 
  Өөрийн эзэмшлийн сууцтай 127,585 төрийн албан хаагчаас боловсролын салбарт ажиллаж буй 62,666 төрийн албан хаагчид байна. Дараагаар нь эрүүл мэндийн салбарт ажиллаж буй 20,401 төрийн албан хаагчид орж байна.
Зураг  9. Төрийн албан хаагчдын тоо, ажиллаж буй салбараар



Сууц түрээслэн амьдардаг нийт төрийн албан хаагчдын 60 хувь буюу 3272 албан хаагч нь инженерийн дэд бүтэц бүхий орон сууцыг түрээслэж байгаа бол дараагаар нь 590 төрийн албан хаагч нийтийн зориулалттай байр түрээслэж байна. Сууц түрээслэж байгаа нийт төрийн албан хаагчдыг насны бүлгээр ангилж үзвэл 26-35 насны залуучууд 45 хувийг эзэлж байна.

Монгол Улсын хэмжээнд нийт төрийн албан хаагчдын 46.3% нь буюу 89118 төрийн албан хаагч ямар нэгэн байдлаар нийтийн орон сууцанд аж төрж байна. 39.6% буюу 76322 албан хаагч дэд бүтцэд холбогдоогүй хашаа байшинд, 12.2% буюу 23490 өрх монгол гэрт амьдарч байна. Дэд бүтцэд холбогдсон байшингийн дундаж талбайн хэмжээ бусад төрлийн сууцтай харьцуулахад харьцангуй өндөр буюу 57 м.кв байна. Харин орон сууцанд амьдарч буй төрийн албан хаагчдын гэр бүлийн 51% нь 2 өрөө сууц, 28% нь 1 өрөө сууц юм.

Инженерийн дэд бүтэц бүхий орон сууц худалдан авах хэрэгцээтэй нийт 5647 төрийн албан хаагчаас худалдан авах чадвараар баталгаажсан 19,201 байгаа бөгөөд эдгээр төрийн албан хаагчийн 1920 нь ирэх 5 жилд бэлэн мөнгөөр худалдан авах төлөвлөгөөтэй байгаа бөгөөд эдгээр албан хаагчдыг өрхийн орлого, орлогын эх үүсвэрийн тоо, өрхийн хуримтлал зэрэг тодорхой үзүүлэлтүүдээр шүүлтүүр хийж үзэхэд 11 хувь буюу 1920 төрийн албан хаагч нь орон сууцаа бэлэн мөнгөөр худалдаж авах чадвартай гэсэн үр дүн гарсан.
Худалдан авах чадвараар баталгаажсан эрэлт бүхий 19201 төрийн албан хаагчдын 77% /14,899/ нь ойрын хоёр жилийн дотор буюу 2018 болон 2019 онд орон сууц худалдан авах төлөвлөгөөтэй байна.
 
Төрийн албан хаагчдын хамгийн их сонирхож байгаа байршил Баянгол дүүрэг байна. Худалдан авах чадвартай 17,280 албан хаагчдын 1993 албан хаагч энэ байршилд орон сууц авах сонирхолтой байна.

Харин орон нутгийн албан хаагчдын хувьд тухайн орон нутгийнхаа төв хотод орон сууц худалдан авах онирхолтой байна.
 
                         

 Шалгуур үзүүлэлтүүдийг хангасан орон сууц худалдан авах эрэлттэй болон худалдан авах чадвартай нийт 17,280 төрийн албан хаагч байна. Эдгээр албан хаагчдын 88% нь буюу 15,360 албан хаагчид нь ипотекийн зээлийн нөхцөлийг хангаж чадахуйц байна. Ипотекийн зээлээр орон сууц худалдан авах хэрэгцээтэй нийт төрийн албан хаагчдын ирэх таван жилийн худалдан авах чадвараар баталгаажсан эрэлт 15,360 төрийн албан хаагч байна. 965 албан хаагч газраа чөлөөлөн байраар солих хүсэлтэй байгаа бөгөөд эдгээр албан хаагчдын 23.5 хувь нь буюу дийлэнх хувь нь Сонгинохайрхан дүүрэгт амьдарч байна.
Үргэлжлэлийг дараагийн дугаараас хүлээн авна уу.

 
Эх сурвалж: Барилга.МН сэтгүүл

Сэтгэгдэл (0)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.