Архитектурын гайхамшигт бүтээл Шанхай хотноо мэндэллээ

Архитектурын гайхамшигт бүтээл Шанхай хотноо мэндэллээ
   
     Нөхөн сэргээлтийг хэрхэн хийж, бүтээн байгуулалт өрнүүлж болдгийн жишээ болсон үйл явдал Шанхай хотноо боллоо. Тодруулбал, уул уурхайн олборлолт хийж, ашиглагдаж дуусаад “хаягдсан” талбайг ашиглаж дэлхийн хамгийн анхны газар доорх таван одтой зочид буудлыг барьж байгуулсан байна.




    Энэхүү зочид буудал нь 80 метрийн өндөртэй нийт 18 давхар бөгөөд хоёр давхар нь усны түвшингээс 10 метрийн доор усан аквариумд байрладаг. Ил задгай хүрхрээтэй, нийт 337 өрөөтэй, өрөө тус бүр нь муруй тагттайгаараа онцлогтой. Мөн газар доорх усан аквариумд ресторан, зочны өрөөнүүд, усан санд суурилсан спортын байгууламж бүхий чөлөөт цогцолбортой. Зочид буудлын архитектурыг Дубайн Бурж Ал Арабыг барьсан чадварлаг архитекторууд өвөрмөцөөр шийдэж өгсөн бөгөөд 10 жилийн турш 5000 гаруй архитектор, инженерүүд хамтран ажиллажээ.










 
   Тус зочид буудал нь Шанхайгаас 14 км-ийн зайд орших бөгөөд газрын гүний дулаан болон нарны эрчим хүчээр дамжуулан халаалт, гэрэлтүүлгээ зохицуулсан байна.













 
Эх сурвалж: Барилга.МН сэтгүүл

Сэтгэгдэл (0)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.