Уншихгүй бол сэтгэхгүй. Сэтгэхгүй бол хөгжихгүй

Уншихгүй бол сэтгэхгүй. Сэтгэхгүй бол хөгжихгүй
   Шинийг эрэлхийлэгч уншигч танд “Барилга.МН” сэтгүүлийн  арваннэгдүгээр сарын цоо шинэ дугаарыг санал болгож байна. Сэтгүүлийн агуулгаас товч дурьдвал:
 
  Дугаарын зочин:
     “ГерБридж” ХХК-ийн захирал Д.Гэрэлт-Од уригдан ярилцлаа.

...Дэлхийн хаана ч очсон манай улсын интерьер, экстерьерийн зураг гологдохгүй. Хэдий хөгжил дэвшлийн хувьд зэрэгцэн явж байгаа ч тулгамдаж буй нэг асуудал нь стандарт юм. Бидэнд өнөөдрийг хүртэл интерьер, экстерьер, дизайны тогтсон стандарт байхгүй. Хүний тав тухтай орчинг бүрдүүлнэ гэвэл олон улсад мөрдөж байгаа стандартыг Монгол Улсад нэвтрүүлэх зайлшгүй шаардлагатай...


Мэргэжилтний үг буланд:
...Цементбетон  хучилттай автозам, түүний онцлогийн талаар Монгол Улсын инженер О.Лхагвадорж, Б.Лхагва нарын зөвлөгөө мэдээлэл орсон байна. Цементбетон  хучилттай автозамын арвин туршлагатай, өргөн хэрэглээтэй АНУ, Гярман, Польш зэрэг орноос суралцах зүйл их байгааг дурьдаад Монголын замын чанар стандартын талаар сонирхолтой баримтууд дурьджээ...


Дэвшилтэт технологи буланд:
...Монгол Улсын зөвлөх инженер, доктор Г.Саран, ШУТИС-ийн химийн инженерийн салбарын багш, мэргэшсэн инженер Р.Долгоржав нарын  бэлтгэсэн барилгын салбарт гарч байгаа хамгийн сонирхолтой бүтээгдэхүүнийг та энэ удаагийн сэтгүүлээс унших боломжтой...


Нэг сэдвээр
...Төрийн албан хаагчдын эрэлт, нийлүүлэлтийн судалгааг дэлгэрэнгүй нийтэлсэн байна. Монгол Улсын хэмжээнд 2017 оны байдлаар нийт 192,475 төрийн албан хаагч ажиллаж байгаагаас 49.3 хувийг  Улаанбаатар хотын төрийн албан хаагчид эзэлж байна. Тэдний хэд нь орон сууц авах боломжтой байна вэ гэсэн судалгаа бүхий сонирхолтой мэдээлэл дээрх буланд багтжээ...


Ажлын нэг өдөр
  “Бармон” ХХК-ны захирал Ш.Үнэнбатын “Залуу хүн завтай байна гэдэг гутамшиг” гэсэн гарчигтай сонирхолтой ярилцлага нийтлэгджээ.
...Эцэг эхээс бүрэн бүтэн заяагаад, сайн сайхан өсгөөд өгсөн биеийг зөв удирдаад зөв замаар явах юм бол хүн бүхэн амжилт гаргаад, сайн сайхан амьдрах бүрэн боломжтой. Ядуу төрсөн бол чиний буруу биш. Харин ядуу амьдарсаар байгаад хорвоог орхивол чиний буруу гэдэг үгтэй санал нийлдэг...


 Мэргэжлийн зөвлөгөө
   Хүйтний улирал эхэлсэнтэй холбогдуулж, амины орон сууцандаа нам даралтын зуухыг хэрхэн суурилуулах вэ гэсэн мэргэжлийн зөвлөгөө орсон байна.  Мөн агаар сэлгэлтйин системийн талаарх мэдээ, мэдээлэл багтсан байна.


    “Барилга.МН” сэтгүүлийн үндсэн булангууд болох шинэ орон сууцны үнэ ханш, барилгын материалын үнэ ханш, ажил гүйцэтгэлийн үнэлгээ, шинэ хуучин, орон сууцын болон гипсэн хавтангийн зах зээлийн судалгаа гэх мэт мэргэжлийн судалгаа мэдээлэл сүүлийн үеийн  байдлаар шинэчлэгдэн орлоо.


 
Эх сурвалж: Барилга.МН

Сэтгэгдэл (0)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.