“Барилгын салбарт мөрдөж байгаа хууль, шинэчилсэн дүрэм, журмын талаарх мэдээ, мэдээллийг түлхүү уншдаг”

“Барилгын салбарт мөрдөж байгаа хууль, шинэчилсэн дүрэм, журмын талаарх мэдээ, мэдээллийг түлхүү уншдаг”

МАКС группийн захирал, Монголын барилгын үндэсний ассоциацийн Ерөнхийлөгч Д.Цэрэнжигмэд:

-Танай сэтгүүлийн хамт олонд 100 дахь дугаараа гаргаж байгаад нь МБҮА-ийн хамт олны өмнөөс баяр хүргэе. “Барилга.МН” сэтгүүлийг барилгын салбарын урдаа барьдаг сэтгүүлийн нэг гэж үздэг. Өнгөрсөн 10 жилийн хугацаанд манай салбарт хоёр ч  удаагийн хямрал тулгарсан. Харин энэ цаг үед хямралыг даван туулж, бүтээн байгуулагчдыг байнга сүүлийн үеийн мэдээ, мэдээллээр "усалж" байсанд баярлаж явдаг.

Миний хувьд сэтгүүлээс салбарын хэмжээнд мөрдөгдөж байгаа хууль, шинэчлэгдэн өөрчлөгдөж буй дүрэм журмын талаарх мэдээ, мэдээллийг илүүтэй сонирхон унших дуртай. Түүнчлэн дэвшилтэт техник, технологи, орчин үеийн барилга, барилгын материал, эрчим хүч хэмнэсэн ухаалаг барилга, байшингуудын талаарх цогц мэдээллийг ч уншдаг. Мөн барилгын салбарт амжилттай ажиллаж, гавъяа байгуулсан баатруудаас ярилцлага авах, залуу барилгачдад үлгэр дуурайл болохоор гэгээлэг сайхан ярилцлага нийтэлж байх нь зөв юм. Монгол Улсад барилгын салбарын чиглэлээр гадаадын олон мэргэжилтнүүд ажил албаны шугамаар ирдэг шүү дээ. Тэдгээр хүмүүсээс мөн ярилцлага авч, шинэлэг санаа авах зүйлс байвал нийтэлж байх хэрэгтэй. Салбарын түүчээ болсон “Барилга.МН” сэтгүүл маань энэ чиглэлийн мэдээ, мэдээллийг  оруулж байвал ушигчдын сонирхолд нийцэж, төгс бүтээл болох болов уу хэмээн санаагаа нэмэрлэе. Эцэст нь, богино хугацааны дараа 1000 дахь дугаараа гаргаарай гэж хүсэн ерөөе. Танай хамт олонд амжилт хүсье.
 

Бэлтгэсэн: Б.Бямбасүрэн


Эх сурвалж: Барилга.МН

Сэтгэгдэл (0)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.