Калифорни мужид байрлах Таяра Банксын пентхаустай танилцаарай

 Калифорни мужид байрлах Таяра Банксын пентхаустай танилцаарай

"American next top model" шоуны продюсер, загвар өмсөгч топ модель Таяра Банксын эзэмшил АНУ-ын Калифорни мужийн Номхон далайн эргийн ойролцоох Палиса хотод байрладаг.
             Хар, цагаан өнгөтэй хоёр пентхаусыг энэ удаад танилцуулъя. Цагаан өнгөтэй пентхаусын үнэлгээ 4.25 сая ам доллар бол хар нь 9.25 сая ам долларын үнэлгээтэй юм. Хар өнгийн пентхаусыг 2016 онд “Xerox”-ийн гүйцэтгэх захирал асан Бернард Кинсэйгээс 7.35 сая ам доллараар худалдан авчээ. Энэ байшингийн гадна архитектурыг  Лос Анжелес хотын алдарт архитекторч Дуглас Бриддбах орчин үеийн загвараар шийдэж өгчээ.  Тус пентхаус нь нийт 5135 ам метр талбайтай бөгөөд таван унтлагын өрөөтэй. Үүнээс мастер унтлагын гурван өрөөтэй бөгөөд тус бүрийн ариун цэвэр болон хувцасны өрөөтэй юм.

 













































 

Гал тогоо, зочны өрөө нь хамт байх бөгөөд цонхны хүрээ болон шалаа шаргал өнгийн модоор чимэглэжээ. Мөн байшингийн дээд хэсэгт мини гал тогоо, задгай зуух, амрах орчинг бүрдүүлж, далайн давалгааг харж салхины ширчигнэх чимээг мэдрэх бүрэн боломжтойгоор тохижуулжээ.

Таяра архитектурын өвөрмөц шийдэлтэй хоёр давхар орчин үеийн гоёмсог цагаан пентхаусыг 3.25 сая ам доллараар худалдан авсан. Тус хаус нь нийт 3700 ам метр талбайтай бөгөөд дөрвөн унтлагын, таван ариун цэврийн өрөөтэй. Харин гал тогоо болон зочны өрөө хамт байрлах бөгөөд далайн эрэг бүхэлдээ харагдах цэлгэр том цонхтойгоос гадна фитнес өрөө, дуу бичлэгийн бүрэн тоноглосон студиотой юм байна.





























 
Эх сурвалж: Барилга.МН

Сэтгэгдэл (0)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.