“Сэтгүүлээс барилгын салбарын шинэ технологи, түүний нууцыг уншихыг хүлээдэг болсон”

“Сэтгүүлээс барилгын салбарын шинэ технологи, түүний нууцыг уншихыг хүлээдэг болсон”

МҮХАҮТ-ийн УЗ-ийн дарга бөгөөд Ерөнхийлөгч Б.Лхавгажав:

-Юуны өмнө, “Барилга.МН” сэтгүүлийн хамт олонд 100 дахь дугаараа өлгийдэн авсанд баяр хүргэе. Монгол Улсын барилгын салбар үүсч хөгжсөний 92 жилийн ой саяхан тохиосон. Хэдий бид олон жилийн арвин түүхтэй ч чөлөөт зах зээлд шилжсэн он жилүүдээс манай барилгын салбарын менежмэнт, технологи, бүтэц зохион байгуулалт өөрчлөгдсөн гэхэд болно. Энэ салбар сүүлийн 20 гаруй жилд өсөлт, уналттай явсныг хэн бүхэн мэднэ.

Өнгөрсөн дөрвөн жилд Монгол Улсад эдийн засгийн хямрал боллоо. Нэг талаар хямрал боловч, хямралыг боломж болгон, барилгын компаниуд нэг дээвэр дор нэгдэж чадсан. Энэ бол бидний ололт, амжилт юм. Харин энэ үйл явцад танай сэтгүүлийн хамт олон томоохон үүрэг гүйцэтгэсэн гэж би боддог. Та бүхэн барилгын салбараас тодорч гарсан чадамгай менежерүүд. “Барилга.МН” сэтгүүлийн анхны дугаар гарсан цагаас хойш жил ирэх тусам сэтгүүлийн хэвлэлт, гаднах өнгө төрх, дотоод агуулга улам бүр чанартай, даацтай болж, сэтгүүлзүйн шинэ чиг хандлагыг харуулсан, орчин үеийн сэтгүүл болж чадсан гэдгийг онцолмоор байна. Тиймээс өнөөдрийн баримталж буй бодлогоо авч явж, хамгийн сүүлийн үеийн онол, технологийг нэвтрүүлэхээр зорьж буй чадварлаг залуу инженерүүдээ дэмжээрэй гэж хэлмээр байна.

Бэлтгэсэн: Б.Бямбасүрэн


Эх сурвалж: Барилга.МН

Сэтгэгдэл (0)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.