"Ирээдүйг бүтээлцэх төслийн удирдлага" олон улсын хурал зохион байгуулагдана

Олон Улсын Төслийн Удирдлагын Хүрээлэн (“Пи Эм Ай”)-ийн  салбар болох “Монгол дахь Төслийн Удирдлагын Хүрээлэн” ТББ-аас (“Пи Эм Ай Монголиа Чаптер”) жил бүр зохион байгуулдаг олон улсын бага хуралд таныг урьж байна.

ИРЭЭДҮЙГ БҮТЭЭЛЦЭХ ТӨСЛИЙН УДИРДЛАГА
Олон Улсын Тавдугаар Бага Хурал болон "Пи Эм Ай Монгол Чаптэр"-ийн 5 жилийн ой 2018 оны 10 дугаар сарын 26-27-ны өдрүүдэд Бест Вэстерн Туушин зочид буудлын хурлын танхимд болох гэж байгааг дуулгахад таатай байна.

ХУРЛЫН ЗОРИЛГО:
Хоёр өдрийн турш үргэлжлэх уг үйл ажиллагаа нь “Ирээдүйг бүтээлцэх төслийн удирдлага” нэрэн доор өөрчлөлтийн удирдлага сэдвийн хүрээнд зохион байгуулагдана. Энэхүү хурал нь Монгол улс болон Ази-Номхон далайн бусад орнуудын хувьд цаг үеэ олсон, чухал үйл ажиллагаа юм.
Пи Эм Ай Монголиа Чаптэр нь төсөл, програм, портфолио удирдлагын мэргэжлийн мэдлэгийг Монгол улсад системтэйгээр дэлгэрүүлэх зорилгынхоо хүрээнд төслийн удирдлагын шилдэг туршлага, шинэ хандлагыг нэвтрүүлэх Олон улсын хурлыг жил болгон зохион байгуулдаг уламжлалтай. 2018 оны Төслийн удирдлагын олон улсын хурал нь Пи Эм Ай Монгол Чаптэрийн үүсэн байгуулагдсаны 5-н жилийн ойтой давхардаж байгаагаараа онцлог юм.

БИД ХЭН БЭ ?
Олон улсын төслийн удирдлагын институт (PMI®) нь дэлхийн хэмжээнд 2.9 сая гаруй мэргэжилтнүүдэд хүрч үйлчилдэг, 200 оронд үйл ажиллагаа явуулдаг бөгөөд төслийн удирдлагын олон улсын түвшний мэдлэг, ур чадвар, арвин баялаг туршлагаас суралцах яриа, хэлэлцүүлэгт та бүхнийг урьж байна.

ХЭН ОРОЛЦОХ ВЭ ?
  • Төсөл, програм, портфолио менежерүүд, компанийн гүйцэтгэх удирдлагууд
  • Бизнес аналитик мэргэжилтнүүд; Хөрөнгө оруулагч нар
  • Төслийн удирдлагын талаар суралцахыг хүссэн хэн бүхэн
  • Хамгийн сүүлийн үеийн тренд, арга барил, чиглэлийг сонирхсон хүн бүхэнд нээлттэй

АГУУЛГА:
Өөрчлөлтийн удирдлага, дижитал өөрчлөлт, төслийн бизнесийн үр өгөөжийг сайжруулах, төслийн үр дүнг өсгөх, ажайл аргачлал (agile method).

САЛБАР ХУРАЛДААН:
10-р сарын 26-ны Баасан гараг: Хурлын нээлт, хүндэтгэлийн илтгэл, шилдэг төсөл болон төслийн менежерийн шагнал гардуулах ажиллагаа болно. Дараа нь хурлын үндсэн илтгэлүүд гурван салбараар явагдана. Үүнд:
  1. Дэд бүтэц ба уул уурхай
  2. Банк ба мэдээллийн технологи
  3. Төр ба олон нийтийн салбар
Илтгэлүүд 30 минут явагдаж асуулт хариулт болон панелист дүгнэлт хийгдэнэ.

10-р сарын 27-ны Бямба гараг: Энэ өдөр дадлага ажил бүхий сургалт, семинар болно. ПиЭмАй олон улсын байгууллагын баримталдаг төслийн удирдлагын чадварын гурвалжин гэсэн хүрээнд гурван салбараар семинар зохиогдоно. Үүнд:
  1. Удирдах чадвар, стратеги, алсын хараа, бизнесийн менежмент
  2. Төслийн менежментийн техникийн ур чадвар
  3. Төслийн удирдлагын газар болон олон улсын шинэ чиг хандлага

БАГА ХУРЛЫН ОНЦЛОГ :
  • 30 гаруй хүндэт илтгэгчдээс төслийн менежментийн шилдэг туршлага сонсох
  • Багаараа ажиллан семинарт суух
  • PMP зэрэгтэй оролцогчид 16 PDU цуглуулах
  • 400 орчим төслийн менежерүүд нэг дор цуглаж харилцан мэдээлэл солилцох
  • Олон Улсын Төслийн Менежментийн Институтийн Төв салбар болон Хонг Конг, Сингапур, Япон, Малайз зэрэг Ази Номхон далайн бүсэд үйл ажиллагаа явуулдаг компаниудын гүйцэтгэх захирлуудтай уулзах, туршлага солилцох
  • Өдрийн хоол болон кофе завсарлага багтсан
 
СУРАЛЦ,  ХҮРЭЭГЭЭ ТЭЛ,  ДЭЛХИЙН ТҮВШИНД ХҮР
 
ЗОХИОН БАЙГУУЛАХ ХОРОО:
marketing@pmimongolia.mn | www.pmi.org | www.pmimongolia.mn | www.facebook.com/pmimongoliachapter 
 
БҮРТГЭЛ:
“Пи Эм Ай Монголиа Чаптэр” холбооны гишүүн -150,000₮
Байгууллагын төлөөлөгч болон хувь хүн –200,000₮
Багц тасалбар (5+) - 180,000₮
Оюутан - 160,000₮
Хамтрагч байгууллага - 160,000₮
 
Бүртгэлийн холбоос: http://pmiconference2018.mn/

ДЭЛГЭРЭНГҮЙ МЭДЭЭЛЛИЙГ:  88086965,  95169028

Эх сурвалж: Барилга.МН

Сэтгэгдэл (1)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

    Зочин 2018-10-13 01:57 182.160.32.148

    Ганданд хашаа байшин зарна. 96203159