Нийслэлийн зургаан цэцэрлэгийн барилгыг өргөтгөн шинэчилнэ

Нийслэлийн зургаан цэцэрлэгийн барилгыг өргөтгөн шинэчилнэ

Нийслэлийн хөрөнгө оруулалтын газрын захиалгаар 2018 онд Улаанбаатар хотын хэмжээнд нийт зургаан цэцэрлэгийн барилга, өргөтгөлийн ажил хийгдэж байна. Тус зургаан цэцэрлэгээс хоёр цэцэрлэгийн барилгын ажил дуусаж, ашиглалтад орсон.  Харин үлдсэн дөрвөн барилгын ажил 50-90 хувьтай байна. Тодруулбал, Баянгол дүүргийн 20 дугаар хороо, 47 дугаар цэцэрлэгийн өргөтгөлийн ажлын явц 86 хувьтай байна. Тус цэцэрлэгийн өргөтгөл ашиглалтад орсноор 170 хүүхэд хамрагдаж, хүчин чадал нь даруй 40 хувиар нэмэгдэнэ. Мөн Сүхбаатар дүүргийн 3 дугаар хорооны нутаг дэвсгэр дэх 54 дүгээр цэцэрлэгийн хуучин барилгыг нурааж, шинээр барьж байна. Тус цэцэрлэгийн шинэ барилгын ажил 50 хувьтай байна.

Түүнчлэн Хан-Уул дүүргийн 13 дугаар хорооны 144 дүгээр цэцэрлэг нь 75 хүүхдийн хүчин чадалтай ч 135 хүүхэд хүлээн авч ачааллаа 80 хувиар хэтрүүлэн ажиллаж байжээ. Иймд тус цэцэрлэгийн өргөтгөлийн барилгыг ашиглалтад оруулахаар ажиллаж байна. Харин Чингэлтэй дүүргийн 19 дүгээр цэцэрлэгийн хүчин чадлыг хоёр дахин буюу 150 ороор нэмэгдүүлэх өргөтгөлийн барилгын ажил 90 хувьтай явж байгаа аж.

Бэлтгэсэн: Б.Бямбасүрэн

Эх сурвалж: Барилга.МН сэтгүүл

Сэтгэгдэл (0)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.