“Barilga billiard 2018” тэмцээн ирэх сард болно

“Barilga billiard 2018” тэмцээн ирэх сард болно

“Барилга.МН”-ээс долоо дахь жилдээ зохион байгуулж буй “Barilga billiard 2018” барилгын салбарын удирдах ажилтнуудын снүүкэр биллиардын аварга шалгаруулах тэмцээн ирэх сарын 3-нд Элит снүүкер клуб”-д болох тов зарлагдаж байна. Барилгын салбарт эх орныхоо бүтээн байгуулалтын төлөө зүтгэж буй компаниудын удирдах ажилтнуудыг дуртай спортоор нь дамжуулан өөр хооронд нь танилцуулах, нөхөрлөх боломжийг бүрдүүлдэг гэдгээрээ энэхүү тэмцээн  ач холбогдолтой.

Энэ удаагийн тэмцээнд оролцохоор туршлагатай тамирчид бүртгүүлж байна. Мөн өмнөх жилүүдийн аваргууд болон даагаа нэхэх зорилготой тамирчид ч оролцох юм.

Өнгөрсөн жилийн тэмцээнд тамирчид зургаан үеийн турш эн тэнцүү хүч үзэж, ялалтын эзэд тодорсон билээ. Тодруулбал, нэгдүгээр байранд,  “Эн Ар Жи Ти Эс” ХХК-ийн тамирчин  Б.Энхтүвшин, хоёрдугаар байранд , “Юу Эм Си Алфа” ХХК-ийн тамирчин М.Баясгалан, гутгаар байрт, “Их азар ХХК-ийн тамирчин Г.Дэмүүл нар тэргүүлсэн.

Энэ жилийн “Barilga billiard 2018” тэмцээнийг тамирчид хүч тэнцүү байж, илүү сонирхолтой зохион байгуулахаар төлөвлөн бэлтгэл ажлаа хангаж байна. Уламжлал ёсоор компаниуд жил ирэх бүр тэмцээндээ ихээхэн ач холбогдол өгч байгааг онцлох нь зүйтэй.

“Barilga billiard 2018” тэмцээний ерөнхий зохион байгуулагчаар уламжлал ёсоор “Барилга Эм Эн” ХХК, ивээн тэтгэгчээр “Elit snooker club”, дэмжигч байгууллагаар Барилга, хот байгуулалтын яам, Барилгын хөгжлийн төв, Монголын барилгын үндэсний ассоциаци ажиллана.

“Barilga billiard 2018” тэмцээнд аж ахуй нэгж, байгууллагуудын удирдах ажилтан та бүхнийг өргөнөөр оролцохыг урьж байна.


 
Эх сурвалж: Барилга.МН

Сэтгэгдэл (0)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.