Гэрийн дотоод засалд камен зуухыг хэрхэн хослуулах вэ?

Гэрийн дотоод засалд камен зуухыг хэрхэн хослуулах вэ?

Гэрт хурсан муу муухай энерги, гаднаас орж ирсэн ямар нэгэн төөрсөн төрөл зүйл, хов жив, хэрүүл маргааныг зайлуулан ариусгаж, гэрт шингэсэн муу энергийг үлдэн хөөж, эерэг энергийг бий болгож, халуун дулаан уур амьсгалыг бүрдүүлдэг зүйл бол гал юм. Гэр бүлээрээ галаа тойрон суугаад элч гэрэлд нь дулаацаж, хоол ундаа зооглож, өөр хоорондоо ярилцах нь эцэг эхчүүдийн хувьд үр хүүхдэдээ олгож буй гэр бүлийн том хүмүүжил.

 

Тиймдээ ч өвгөд хөгшид маань  гал голомтоо дээдлэн хүндэтгэх, түүнийг ариун дагшин авч явахыг эрхэмлэдэг. Гал голомт нь хүн, айл бүрийн бахархал төдийгүй галыг хүндэтгэн дээдэлснээр аз жаргал, тэгш заяатай амьдарна хэмээдэг байсан нь гэр бүлийг бат бөх оршин тогтнуулах сургаал болдог аж.

 

Галын дөл өөдөө хэмэн монголчууд бэлгэшээдэг. Нүүдэлчний ахуй амьдралын хуулиар тулгандаа галаа өрдөж өссөн ямар ч монгол хүн дүрэлзэн бадрах галын дөл, тачигнан асах чимээг сонсох дуртай байдаг.

Харин цаг үе өөрчлөгдөхийн хирээр хүний амьдралын хэрэглээ улам боловсронгуй болж хөдөлмөрөө хөнгөвчлөхөөс эхлээд юмс маш энгийн болж байна. Нэгэнт л бид суурин соёл иргэншлээр амьдарч, түүндээ дасан зохицохын хажуугаар хүсэл сонирхлоо биелүүлж, ил галын дэргэд гэр бүлээрээ тойрон суухыг хүснэ. Тиймдээ ч орон сууцанд ил галыг орлуулах хамгийн зөв шийдэл нь өнөө цагт камен зуух болж байна.

Камен зуух нь гэрт халуун дулаан энергийг агуулахын зэрэгцээ агаарын солилцоог бий болгож цэвэршүүлдэг.  Мөн гэрийн дотоод засалд гойд өнгө төрхийг нэмдэг. Тиймээс энэ удаад гэрийнхээ интерьерд камен зуухыг хэрхэн нийцүүлж болох талаарх фото мэдээллийг бэлтгэн хүргэж байна.
















Бэлтгэсэн: Г.Сондор

 
Эх сурвалж: Барилга.МН

Сэтгэгдэл (0)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.