Дундад зууны байшинг 2018 оны интерьерийн чиг хандлагаар тохижуулжээ

Дундад зууны байшинг 2018 оны интерьерийн чиг хандлагаар тохижуулжээ

   Сан Франциско хотын налуу гудманд улаан зандан мод ашиглан дундад зууны сонгодог загвараар 1963 онд баригдсан байшинг дахин шинэчилж, орчин цагийн интерьерийн чиг хандлагаар өөрчлөн засварлажээ. Уг барилгын архитектур болон интерьер загварыг “Marmol Radrziners” компани гаргаж, харин дотоод засал чимэглэлийг тавилгын загвар зохион бүтээгч “Charles the lisle” хийж гүйцэтгэжээ. 



   “Marmol Radrziners” нь АНУ-ын Лос-Анжелес хотод байрлах бөгөөд анх санаа нийлсэн архитекторуудын санаачилгаар байгуулагдсан, өвөрмөц бүтэц зохион байгуулалттай интерьер дизайны компани юм. 1989 онд байгуулагдсанаасаа хойш мастер урчууд, гадна тохижилтын дизайнерууд, металл урлаачид, мужаан, тавилга хийгчид гээд нийт 200 гаруй ажилтантай аж.



   Харин “Charles the lisle”-ийн тухайд АНУ-ын Массачусеттс мужаас гаралтай тавилга загвар зохион бүтээгч компани бөгөөд гэрэлтүүлэг, гоёл чимэглэл, дотоод засал чимэглэлээр дагнасан дизайнерын байгуулсан компани юм. Тэрээр бүтээлдээ мод, метал, нэхмэл, шавар зэргийг ашиглан өөрийн гараар болон механик аргаар бүтээлээ туурвидаг аж. Charles the lisle энэхүү ажлынхаа талаар ярихдаа “Энэ гэрийн эзэдтэй таван жилийн турш хамтран ажиллаж байна. Бид дотоод засал чимэглэлийг нь шийдэхдээ нэг зүйлийг нөгөөтэй харьцуулан жишихээс илүүтэй ихээхэн оюунлаг, сэтгэл татам байлгах талаас нь бодож шийдвэрлэсэн. Зөвхөн хаалга, нугасны талаар гэхэд л бид бүтэн найман цагийн турш ярилцах тохиолдол ч гарч байсан шүү” гэсэн юм.



   Уг байшингийн онцлог шинж нь нямбай архитектурын өөрчлөн шинэчлэлт, газар хөдлөлтөд тэсвэртэй чанар, дотор засал чимэглэл, тавилга хоорондын зай зэргийг оновчтой зохион байгуулж, мөн хаалганы бариул, нугасыг гар аргаар хийж гүйцэтгэжээ.

Г.Сондор
Эх сурвалж: Барилга.МН

Сэтгэгдэл (0)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.