45 сая төгрөгөөр 49,6 ам метр талбай бүхий Эко амины сууц бариулах боломжтой

45 сая төгрөгөөр 49,6 ам метр  талбай бүхий Эко амины сууц бариулах боломжтой
   Агаар, хөрсний бохирдолгүй, хямд өртөгтэй эко амины орон сууцны төсөл хэрэгжиж Яармаг бүсэд нээлтээ хийлээ. Эко амины орон сууц нь 49,6 м= 45сая төгрөгийн өртөгтэй босож байгаа аж. Үүнд  том өрөө нэг, унтлагын өрөө хоёр, ариун цэврийн өрөө нэг тус тус багтжээ. Эко амины орон сууцны гадна болон дотор ханын дүүргэлтийг Евро стандартын хөнгөн блокоор шийдэж, дээврийн гал дэмждэггүй хөөсөөр шүршин, ханыг 10 см-ийн зузаантай дулаан тусгаарлагч хөөсөөр дулаалж, обой, паркетан шал, дотор хаалга, плита зэрэг дотор заслын өнгийг өөрөө сонгох боломжтой гэнэ.


           
    Мөн халуун ус бохир ус, халаалтын системд “АТМОR” компанийн чанартай баталгаатай бүтээгдэхүүнийг суурилуулсан байна. АТМОR-MARINA  50, 80, 100 литрийн эзлэхүүнтэй ус халаагч бойлер, эзлэхүүн талбайг бүрэн халаах АТМОR 40-55 ам метр талбай хүчин чадалтай 220 вольтоор ажиллах, 1.5-4.5 кВт-ийн хүчин чадалтай цагийн тохируулгатай цахилгаан зуухтай, бүрэн вакуум септик танк бүхий бохирын систем суурилуулсан.  



   Яармагийн оршин суугчдын газрын үнэлгээ, үнэ цэнэ тасралтгүй өсөн нэмэгдэж, байгаа өнөө үед агаарын бохирдол, хөрсний бохирдлыг бүрэн шийдсэн, цэвэр агаар бэлэглэх ногоон байгууламжтай атлаа яг л орон сууцанд амьдарч байгаа мэт өөрийн эзэмшлийн газар дээрээ амьдрах боломжийг энэхүү төсөл олгож байгаа юм.

  Төслийг УИХ-ийн гишүүн Л.Болдын санаачилгаар эхлүүлж, “АТМОR” компани хамтран бохир дулааны асуудлыг нь хариуцсан бол  “Ургамлын далай” компани ногоон байгууламжийг нь шийджээ.


 
Эко яармаг амины орон сууцны төсөлд хэрхэн хамрагдах вэ?

1.      Газар өмчлөгчийн гэрчилгээтэй газартай байх
2.      Хашааныхаа газарт төлөвлөлт хийсэн байх
3.      Амины орон сууцны санхүүжилтийг шийдвэрлэх
4.    Гэрээ хийсний дараа газар дээрээ байшин бариулах талбайг чөлөөлж өгөх
5.     Барилгын ажил эхэлснээс 45 хоногийн дараа байшингийнхаа түлхүүрийг гардаж авна.
6.  Хэрэв та амины орон сууц барихад шаардлагатай санхүүжилтийн хэрэгцээ тулгарч байвал Богд банкны тусгай нөхцөлтэйгөөр зээлийг авах боломжтой аж.

Г.Сондор
Эх сурвалж: Барилга.МН

Сэтгэгдэл (1)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

    ganbaatar 3 өдрийн өмнө 103.26.193.126

    sain uu. haana ochij uulzah, utasaa ugnu uu