Барилгын салбар үүсч хөгжсөний түүхт 92 жилийн ойн баярын мэндийг дэвшүүлж байна

Барилгын салбар үүсч хөгжсөний түүхт 92 жилийн ойн баярын мэндийг дэвшүүлж байна

   Улс орны нийгэм эдийн засаг, хөгжил дэвшлийн өнгө төрх болсон барилга, хот байгуулалтын салбарт ажиллаж буй нийт барилгачид, инженерүүд, мэргэжлийн холбоодын бүтээн байгуулагч Та бүхэндээ Монгол Улсад орчин цагийн Барилгын салбар үүсч хөгжсөний түүхт 92 жилийн ойн баярын мэндийг дэвшүүлж байна.

   Сүүлийн 30 шахам жилд барилга, бүтээн байгуулалтын салбарыг хувийн хэвшлийнхэн нуруундаа үүрч, улс эх орныхоо хөгжил дэвшлийн төлөө хоёргүй сэтгэлээр зүтгэж ирсэн бөгөөд тэдгээрийн хамгийн том нэгдэл болох Монголын Барилгын Үндэсний Ассоциаци нь эгнээндээ Монгол Улсын барилгын салбарын тэргүүлэх 150 гаруй аж ахуйн нэгжүүдийг нэгтгэн, барилгын салбарт сайн засаглалыг бий болгоход төр-хувийн хэвшлийн хамтын ажиллагаа, уялдааг сайжруулж, хууль эрх зүйн орчинд шинэчлэл хийхэд нөлөөлж, гишүүдийн чадавхийг сайжруулж, барилгын зах зээлийн тогтвортой өсөлтийн төлөө чармайн ажиллаж, багагүй ололт амжилтыг олоод байна.

   Монгол Улсын нийгэм-эдийн засгийн нөхцөл байдал хүндрэлтэй байгаа хэдий ч манай барилгын салбарынхан өөрсдийн эв нэгдэл, нөөц бололцоогоо дайчлан бүтээн байгуулалтын их ажлыг саад бэрхшээлгүй үргэлжлүүлж байна. Цаашид ч хамтын ажиллагаагаа улам бэхжүүлж, улс орныхоо хөгжил дэвшилд үнэтэй хувь нэмрээ оруулсаар байна гэдэгт итгэл төгөлдөр байна.
Төр засгийн дэмжлэг, иргэдийн итгэлийг манай салбарынхан улам их ажлын амжилт, бүтээн байгуулалтаар хариулах болно.

   Барилгын салбарын түүхэнд мөрөө үлдээж Монгол Улсынхаа хөгжил цэцэглэлтийн төлөө залуу нас, халуун хөлсөө урсгасан үе үеийн ахмад барилгачид, өнөөдрийн хөгжлийг авч яваа, хийж бүтээхээр оргилон буй залуу барилгачид, барилгын салбарын бүхий л ажилтан ажиллагсад, тэдгээрийн гэр бүл, хамт олон Та бүхэндээ Барилгачдын баярын мэндийг дахин хүргэж, амжилт бүтээлээр дүүрэн, эрүүл энх, аз жаргал, сайн сайхан бүхнийг хүсье.
 
 
МОНГОЛЫН БАРИЛГЫН ҮНДЭСНИЙ АССОЦИАЦИЙН ЕРӨНХИЙЛӨГЧ                                            Д.ЦЭРЭНЖИГМЭД
Эх сурвалж: Монголын барилгын үндэсний ассоциаци

Сэтгэгдэл (0)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.