Байр, орон сууц, барилгын материалыг нэгэн дор төвлөрүүлдэг намрын хамгийн том үзэсгэлэн яармаг “БАРИЛГА ОРОН СУУЦ 2018” өнөөдөр Мишээл экспо төвд нээлтээ хийлээ.

   Монгол Улсад Орчин цагийн барилгын салбар үүсэн байгуулагдсаны 92 жилийн ой, Барилгачдын баярыг тохиолдуулан болж буй уг үзэсгэлэн 2018 оны 08 дугаар сарын 24-26-нд гурван өдрийн турш хямдрал урамшуулалтай худалдаа, уулзалт семинаруудаар дүүрэн үргэлжилнэ.



   Ерөнхий зохион байгуулагч “Барилга.МН”, хамтран зохион байгуулагч Барилга, Хот Байгуулалтын Яам, Барилгын Хөгжлийн Төв, дэмжигч байгууллага Монголын барилгын үндэсний ассоциаци, бусад төрийн бус байгууллагуудын төлөөлөл болон Ерөнхий ивээн тэтгэгч “NCD Group” ХХК-ийн удирдлагууд үзэсгэлэнгийн нээлтийн туузыг хайчлан, хүндэтгэл үзүүллээ.



    “БАРИЛГА ОРОН СУУЦ 2018” үзэсгэлэнд агаарын бохирдол, утааны асуудлыг шийдвэрлэхэд хамгийн гол үүргийг гүйцэтгэж байдаг барилгын салбарынхан, энэ чиглэлийн бүхий л төрлийн үйлчилгээ үзүүлэгч 120 гаруй компани оролцож, иргэдэд бүтээгдэхүүн үйлчилгээгээ дэлгэн танилцуулж байна. 
 

   Улаанбаатар хотод хэрэгжиж буй шинэ орон сууцны төслүүд, барилгын материал, дэвшилтэт технологи, барилгын зураг төсөл, архитектур, ландшафт, амины орон сууц, тоног төхөөрөмж, гадна ба дотор тохижилт гээд барилгын салбарт холбогдолтой бүх чиглэлийн мэдээллийг нэг дороос авах нөхцөл уг үзэсгэлэнд бүрдээд байна.

   Хамгийн гол нь зөвхөн үзэсгэлэнгийн өдрүүдэд зарлаж буй хямдрал урамшуулалд хамрагдаж, хүссэн сонголтоо хийх боломжтой.



   Байр авах гэж буй иргэддээ зориулан төсөл хэрэгжүүлж буй компаниуд онцгой хөнгөлөлт, урамшуулал болон төлбөрийн уян хатан нөхцөлтэйгөөр орон сууц авах бүхий боломжуудыг олгож байгаа ажээ. Харин байрны үнийн мэдээллээс дуулгахад зэрэглэлээс хамааран янз бүр байна. Тухайлбал, стандарт зэрэглэлийн орон сууцнуудын үнэ 1,150,000 төгрөгөөс дээш байгаа бол тансаг зэрэглэлийн буюу хамгийн өндөр үнэтэй нь 3,800,000 төгрөг орчим байна.

   Иргэд “Содон” стандарт цогцолбор хороолол, “Офицер таун”, “Сити апартмент & Сити Молл”, “Модун таун”, “High Apartment” төсөл, “VIP Residence” зэрэг 40 гаруй орон сууцны төслөөс үнэ ханшийг нь харьцуулан дүгнэж сонголтоо хийж болно.



   “Фүжи констракшн”-аас “Хан-Уул” цогцолбор хотхондоо байрны урьдчилгаа төлбөрөөс хамаарсан хөнгөлөлт, “Хангарьд пропертиз”-оос орон сууцныхаа метр квадрат тутамд хямдрал зарлажээ. Мөн “Марч констракшн”-аас Polaris apartment дахь орон сууцныхаа үндсэн үнэд онцгой хямдрал үзүүлж, хүүгүй хувь лизингтэй уян хатан нөхцөлөөр байр авах боломжийг захиалагчиддаа олгожээ.

   Харин “ИЭСОМ” компаниас борлуулж буй орон сууцны гурван төсөлдөө үнийн дүнгээс хамааруулан 10 хувь буюу 6-9 сая төгрөгийн хямдрал зарласан байна. Тэгвэл “Шинэ гарц” компани Шинэ гүрэн орон сууцны цогцолбор хорооллынхоо байрны метр квадратын үнийг нэг сая төгрөг хүртэл хямдруулах аж.



    Үүнээс гадна амины орон сууц барихаар төлөвлөсөн иргэд үзэсгэлэнгийн дотор болон гадна талбайгаас энэ төрлийн үйлчилгээ үзүүлэгч компаниуд, мэргэжлийн хүмүүстэй уулзаж, хүссэн зөвлөгөө мэдээллээ аваарай. Дашрамд дурдахад “Арктик Финланд хаус”-ынхан зуслангийн байшингууддаа 10 хувийн хөнгөлөлт үзүүлж байгаа шүү.

   Барилгын материал, дэвшилтэт технологи сонирхогчид Орос, Хятад, Солонгос, Польш, Унгар, Чех, Герман, Итали болон Монголынхоо 80 гаруй ханган нийлүүлэгчдийн барилгын материал, тоног төхөөрөмж, үйлчилгээг нэг дороос авч болох нь ээ.



    “Майнс Ап” ХХК-ниас Германы Schindler брэндийн цахилгаан шат, лифт болон Японы Окамура брэндийн тавилгадаа 5 хувийн хөнгөлөлт үзүүлжээ. Харин “Люксвүүд групп”-ийнхэн WPC болон Польш плита, зарим нэр төрлийн бүтээгдэхүүндээ 10-40 хувийн хямдрал зарласан байна. Мөн Дулаан байшин төслийнхөн энэ үеэр хямдралтай үнээр захиалга авч, “Twin coat” брэндийн гадна ханын чулуутай эмульсээ үйлдвэрийн үнээр худалдаалахаар болсон байна. “Гүн барс” компани мэдээллийн технологийн шийдлүүдийг санал болгож, захиалга бүрт 20 хувийн хямдрал үзүүлж байна.

    Харин хүйтэн сэрүүний улирал наашилж буй энэ үед “Нартын голомт” компаниас Польшийн Коспел брэндийн халаалтын тогоондоо 10 хувийн хөнгөлөлт зарлажээ.



   “Барилга Орон Сууц 2018” үзэсгэлэнгийн гурван өдрийн туршид нийт оролцогч, үзэгчид гээд хэн бүхэнд зориулсан сургалт, уулзалт, семинарууд тасралтгүй явагдах юм. Семинаруудад ШУТИС-ийн Эрчим хүчний хэмнэлтийн төвийн захирал Б.Мөнхбаяр “Агаарын бохирдлыг бууруулахад агаар-агаарын дулааны насосыг ашиглах нь”, Монголын барилгын үндэсний ассоциацийн Тусгай зөвшөөрлийн хэлтсийн дарга М.Энхбаатар Тусгай зөвшөөрлийн асуудлаар тус бүр илтгэл тавьж оролцоно.



   Мөн энэ үеэр Герман, Орос, Японы шилдэг бүтээгдэхүүнүүдийг танилцуулах арга хэмжээнүүд тасралтгүй явагдах юм байна.

   Барилгын салбарын бүх төрлийн хямдрал урамшуулалтай худалдааг төвлөрүүлж, зах зээлийг идэвхжүүлж, шинэ соргог мэдээллээр хангах уулзалт семинаруудаар дүүрэн “Барилга Орон Сууц 2018” үзэсгэлэн яармагт хүрэлцэн ирэхийг урьж байна.       
 

 “БАРИЛГА, ОРОН СУУЦ 2018” үзэсгэлэн яармагийн
Зохион байгуулах хороо
Холбоо барих: 99000981, 99907816, 77113333