П.Баярхүү: Дэд станцын ажлуудтай танилцаж, дэмжиж ажиллахаа илэрхийлсэн

П.Баярхүү: Дэд станцын ажлуудтай танилцаж, дэмжиж ажиллахаа илэрхийлсэн


Нийслэлийн Засаг даргын орлогч П.Баярхүү ажлын хэсгийн хамт зургадугаар сарын 30, 31-ний өдрүүдэд Улаанбаатар хотод хийгдэж буй дэд бүтэц, инженерийн шугам сүлжээ, боловсролын салбарын бүтээн байгуулалтын ажлын явцтай танилцаж, үүрэг даалгавар өгч ажилласан.

Энэ үеэр П.Баярхүү дарга ярихдааСүхбаатар дүүргийн 15 дугаар хороонд байрлах ахмадын сувилалыг өргөжүүлж, өвлийн барилга барих ажилтай танилцаж, ажлаа эхлүүлсэн ч  одоогоор зогсонги байдалтай байна. Тиймээс гүйцэтгэгч компанид шаардлага хүргүүлж, барилгын явцыг түргэвчлэхийг даалгасан байгаа. Сүхбаатар дүүргийн 18, 19 дүгээр хороонд шинээр баригдаж байгаа 280 хүүхдийн ортой цэцэрлэгийн ажлын явцтай танилцлаа.
     Энэхүү цэцэрлэгийн газар чөлөөлөлтийн ажил бүрэн хийгдсэн байна. Сэлбэ дэд төвийн бүтээн байгуулалтуудын ажлын явцыг эрчимжүүлж, хяналт шаардлагыг өндөржүүлэх тал дээр анхааран ажиллах шаардлагатай гэж үүрэг өглөө. Улаанбаатар хотын Бохир усны Туул-1 коллектор шугамын угсралтын ажилтай танилцсан. Мөн 220кв-ын Сонгино дэд станцаас Зайсан дэд станц хүртэлх 110 Кв-ын 50 км хоёр хэлхээт ЦДАШ-ын ажилтай танилцаж, гүйцэтгэгч тал “Треет” ХХК-д цаашид нийслэлийн зүгээс боломжит зүйл дээр дэмжиж ажиллахаа илэрхийлсэн” гэлээ.
 
Эх сурвалж: Нийслэлийн Засаг даргын Тамгын газар

Сэтгэгдэл (0)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.