​Орон сууцны эрэлт хэрэгцээ Азийн хэмжээнд өссөөр байна

​Орон сууцны эрэлт хэрэгцээ Азийн хэмжээнд өссөөр байна

   Дэлхийн банкнаас энэ оны байдлаар гаргасан хамгийн сүүлийн судалгаанаас харахад Азийн хотууд улам хүрээгээ тэлсээр байгаа аж. Улаанбаатар хотод гэхэд л 2012 онд хотын иргэдийн 40 орчим хувь нь орон сууцанд, үлдсэн хэсэг нь гэр хороололд амьдарч байж. Гэтэл 2017 онд буюу таван жилийн дотор 386 мянган өрх нэмэгджээ. Ойрын жилүүдэд орлогын өсөлт, хотжилтыг даган Азийн дундаж давхарга эрчимтэй өсөн тэлэх хандлагатай байгааг судлаачид онцолжээ. Азид хотжилт дэлхийн дунджаас 1.5, АНУ-аас 50 дахин хурдтай өрнөж байна.
 
   Дэлхийн хэмжээнд авч үзвэл 2030 он гэхэд дундаж давхарга гурван тэрбумаар нэмэгдэж, таван тэрбумд хүрэх ч хот суурин газрын амьжиргаа доогуур иргэдийн тоо 863 сая болно гэх тооцоог Дэлхийн банк хийжээ. Харин үүнийг орон сууцны эрэлттэй уялдуулан тооцвол 2030 он хүртэл өдөрт 96 мянга гаруй орон сууц зах зээлд нийлүүлж байж дээрх хүмүүсийг орон байраар бүрэн хангах боломжтой гэнэ. Өөрөөр хэлбэл, орон сууцны эрэлт Азид хамгийн өндөр гэсэн үг.

Н.Ганчимэг
Эх сурвалж: Дэлхийн банк

Сэтгэгдэл (0)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.