Төрийн албан хаагчдад хөнгөлөлттэй орон сууц олгоно

Төрийн албан хаагчдад хөнгөлөлттэй орон сууц олгоно

   Орон сууцны ипотекийн зээл олголт он гарсаар удаашрах хандлагатай болоод байсан билээ. Харин 2013 оноос хойш хэрэгжсэн энэ ажлыг цаашид тасралтгүй үргэлжлүүлэхийн тулд төрөөс зарим арга хэмжээг авахаар болжээ.

   Энэ тухай Барилга, хот байгуулалтын Сайд Х.Баделхан ярихдаа “Ипотекийн зээлийн хүрээнд өнгөрсөн хугацаанд 80 мянга орчим өрх орон сууцтай болсон. Цаашид ипотеийн зээлийн журмыг хэрэгжүүлэх хөрөнгийн эх үүсвэр чухал байна. Ипотекийн санхүүжилтэд улсын төсвөөс жилдээ 120-130 тэрбум төгрөг төсөвлөдөг. Зээлийн сангийн эргэн төлөлтөөр 200 гаруй тэрбум төгрөг төвлөрсөн байгаа. Өнгөрсөн онд энэ хоёр эх үүсвэрээр нийтдээ 10 мянган айл орон сууцтай болсон. Цаашид эх үүсвэрийг нэмэгдүүлэхийн тулд бонд босгох хэрэгтэй. Ипотекийн зээлийн журмыг өөрчлөх асуудлыг засагт өргөн барьсан” гэжээ.

   Учир нь зарим банк ипотекийн зээл ирсэн үед олгоно, одоогоор найман хувийн зээл гацсан гэх мэт шалтгаанаар иргэдэд өндөр хүүтэй орон сууцны зээл олгож иргэдийг хохироосон байдаг аж. Тиймээс дээрх асуудлыг шинэ журмаар зохицуулж, ипотекийн зээлийн урьдчилгааг 25 хувь болгох журам гаргасан байна. Журмыг Засгийн газар баталчихвал хэрэгжиж эхэлнэ. Харин одоохондоо зээлийн хүүг буурах боломжгүй, яагаад гэхээр арилжааны банкуудын зээлийн хүүгийн түвшин ерөнхийдөө өндөр байгаа гэж салбарын сайд ярьжээ.

   Мөн зах зээлд борлогдоогүй 5822 шинэ орон сууц байгаагаас 2112 нь энгийн стандартынх юм байна. Засгийн газарт өргөн барьсан дээрх журамд мөн борлогдоогүй орон сууцнуудыг төрийн албан хаагчдад хөнгөлттэй нөхцөлөөр олгох асуудлыг тусгасан гэнэ. Харин Буянт-Ухаанд барьж буй 972 орон сууцыг түрээсийн орон сууцны зориулалтаар ашиглуулах юм байна.

Н.Ганчимэг
Эх сурвалж: Барилга, хот байгуулалтын яам

Сэтгэгдэл (2)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

    Зочин 2018-07-31 10:37 66.181.169.110

    Энэ хэр үнэн мэдээлэл вэ? Төрийн орон сууцны корпорациас энэ журмын талаар асуух гээд очсон мэдэх хүн алга байна.
    Б.Галсанжамц 2018-08-28 19:21 203.91.118.180

    Болж байна шүү