​Орон сууцны үнэ иргэдийн бодит орлоготой нийцэж байх ёстой гэв

​Орон сууцны үнэ иргэдийн бодит орлоготой нийцэж байх ёстой гэв

   Азийн орон сууцны санхүүжилтийн талаарх чуулга уулзалт Улаанбаатар хотод болж өнгөрлөө. Энэ удаагийн чуулганд  Монгол, Япон, БНСУ, Малайз, Тайланд, Филлипин, Индонез, Казахстан зэрэг улсуудаас төлөөлөгчид ирж оролцсон юм. Тухайлбал, дээрх орнуудын орон сууцны талаар бодлого тодорхойлдог төлөөлөгчид, орон сууцны зах зээлд бизнес эрхлэгч, барилгын компанийн захирлууд байв. Чуулганд оролцогчид орон сууцны санхүүжилтийг хэрхэн үүсгэх ёстой, энэ зах зээлд хэрхэн амжилттай ажиллах боломж байгаа, орон сууцтай холбоотой хоёрдогч зах зээлийн үүрэг оролцоо ямар байвал зохих зэрэг сэдвүүдээр ярилцаж, илтгэл хэлэлцүүлсэн юм.

   Энэ үеэр Барилга, хот байгуулалтын сайд Х.Баделхан үг хэлэхдээ “Цаашид орон сууцны санхүүжилтэд төрөөс анхаарч ажиллана. Иргэдийн орлогыг нэмэгдүүлэхэд чиглэсэн ажлуудыг хийнэ. Энэ зах зээлд хөрөнгө оруулалт татах чиглэлд ч анхаарна. Засгийн газраас орон сууцны санхүүжилтийн талаар цаашид хөтөлбөр хэрэгжүүлж ажиллана” гэв.
 
   Харин “Орон сууцны бодлогын сонголтууд” сэдвээр Дэлхийн банкийг төлөөлж илтгэл тавьсан Андрей Милютин ярихдаа, “Орон сууцны борлуулалтад анхаарахын тулд хамгийн түрүүнд иргэдийн орлогыг тооцож үзэх хэрэгтэй. Орон сууцны үнэ иргэдийн бодит орлоготой нийцэж байх ёстой” гэдгийг онцолж байлаа.  
 
Н.Ганчимэг
Эх сурвалж: Барилга.МН

Сэтгэгдэл (3)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

    irgen 30 өдрийн өмнө 64.119.18.202

    niitsehgui bn
    Guest 2018-07-04 15:54 203.91.118.180

    Oron suutchnii une irgediin orlogoos hol davsan bgaa iim bhad yaj oron suuts avah veedee avlaa gehdee tsalingiinhaa dundajaar 70%-g zeelendee sard tulj bna teheer 30% n amidrald yagaad ch hurdeggui ard irged stresstei niigemd amidarch bna zuv bodlogo zuv sanaachlagiig demjij heregjuuleh heregtei bna
    ИРГЭН 23 өдрийн өмнө 202.179.25.205

    Одооны энэ ХОГИЙН ҮНЭТЭЙ ,ЧАНАРГҮЙ БАЙРуудЫГ хэн авах вэ НУРААВАЛ ТААРНА