МБҮА-ийн удирдах зөвлөлийн 2018 оны II хурал боллоо

МБҮА-ийн удирдах зөвлөлийн 2018 оны II хурал боллоо
     МБҮА-ийн Удирдах зөвлөлийн 2018 оны хоёрдугаар ээлжит хурал 06 дугаар сарын 19-ний өдөр болж өндөрлөлөө.
            Хурлаар:
  1. МБҮА-ийн 2018 оны УЗХ-аас гарсан шийдвэрийн гүйцэтгэлийн биелэлт;
  2. МБҮА-ийн 2018 оны 1 дүгээр улирлын үйл ажиллагааны тайлан, цаашдын төлөвлөгөө;
  3. МБҮА-ийн 2018 оны 1 дүгээр улирлын санхүүгийн болон гүйцэтгэлийн тайлан;
  4. МБҮА-ийн Барилгын үйл ажиллагааны Тусгай зөвшөөрлийн хэлтсийн үйл ажиллагааны товч тайлан;
  5. Удирдах зөвлөлийн гишүүдийн санал зөвлөмж, нээлттэй хэлэлцүүлэг;
  6. МБҮА-д шинээр элсэж буй компаниудийн танилцуулга зэрэг болно.


МБҮА-ийн Удирдах зөвлөлийн 2018 оны хоёрдугаар ээлжит хурлыг УЗГ, “Жигүүр гранд групп” ХХК-ийн Захирал Б.Халиунаа ивээн тэтгэж, хамтран зохион байгуулах санаачилга гаргасан юм.

Хурлын үеэр МБҮА “Барилга.МН” сэтгүүл болон Barilga.mn цахим сайттай хамтран ажиллах, харилцан мэдээлэл солилцож, хамтын ажиллагааг өргөжүүлэх, Ассоциацийн үйл ажиллагааг сурталчлах хүрээнд хамтран ажиллах Санамж бичгийг байгуулав.


     
Удирдах зөвлөлийн ээлжит хурлаар уламжлал ёсоор МБҮА-д шинээр элсэж буй дараах 3 аж ахуйн нэгжүүдэд гишүүнчлэлийн гэрчилгээг гардуулан өгөв. Үүнд:

Бридж Констракшн” ХХК – 1996 оны 12 сард Бридж Группийн үйлдвэрлэлийн салбарын охин компани хэлбэрээр үүсгэн байгуулагдсан бөгөөд Монгол Улсын барилгын салбарт ISO 9001 олон улсын чанарын удирдлагын тогтолцоог анхлан нэвтрүүлсэн. Барилга угсралт, барилгын материал үйлдвэрлэл, эрчим хүчний барилга байгууламжийн угсралт, ТЭЗҮ, зураг төсөл боловсруулах, барилга байгууламжийн ашиглалт буюу менежмент, авто замын барилга байгууламжийг барих, засварлах, Машин механизм, багаж хэрэгсэл түрээслүүлэх зэрэг чиглэлээр үйл ажиллагаа явуулдаг компани юм.



“Баганат Өргөө” ХХК – 1998 онд үүсгэн байгуулагдаж, барилга угсралт, барилгын материал үйлдвэрлэл, сантехник болон цахилгааны барилга угсралт, зураг төсөл, төсөв боловсруулах зэрэг чиглэлээр үйл ажиллагаа явуулдаг ба 2013 оноос эхлэн гэр хорооллын дахин төлөвлөлтийн хүрээнд Баянзүрх дүүргийн 8, 16 дугаар хороонд “Баганат хороолол” төслийг амжилттай хэрэгжүүлж байна.
 

“ПиСиДиПи” ХХК нь 2013 оны 1 дүгээр сард Барилгын төслийн менежмент, Зураг төслийн зөвлөх үйлчилгээ, Барилга угсралтын чиглэлээр үйл ажиллагаа явуулахаар байгуулагдсан үндэсний төслийн менежментийн компани юм. Одоогоор дотоодын болон олон улсын 110 гаруй төсөлд амжилттай оролцон, амжилттай гүйцэтгэж хүлээлгэн өгчээ.



МБҮА-ийн Ажлын алба нь Удирдах зөвлөлийн хурлаар гишүүдэд МУ-ын эдийн засаг, барилгын салбарын холбогдолтой сүүлийн үеийн хэрэгцээт мэдээллийг өгч ажиллахыг зорьдог ба энэ хүрээнд хурал дараах илтгэлүүдээр үргэлжлэв.
  1. Барилгын салбарын хөрөнгө оруулалтын өнөөгийн байдал, цаашдын чиг хандлага – Б.Бямбажав, Ажлын албаны Зөвлөх
  2. Олон улсын ISO стандарт нэвтрүүлсэн туршлага – Ган-Өлзий,
  3. Орон сууцны эрэлт, нийлүүлэлтийн судалгааны товч тайлан – Д.Должинсүрэн, Тэнхлэг зууч ХХК-ийн Гүйцэтгэх захирал


Холбоотой мэдээ