Арматур төмрийн чанарын тухай

Арматур төмрийн чанарын тухай
Чанаргүй арматуртай барилга, орон сууцыг газар хөдлөхөд оньс мултрах бөмбөгтэй зүйрлэдэг. Газар хөдлөх үед арматур тасралгүй, бетон биеэ дүүжлэн авч үлдэхийг "зуурч нурах", ингэж чадахгүй тасрахыг "хугарч нурах" гэж ангилдаг байна. Барилга, орон сууц зуурч нурахад хүмүүс зугтан гарч амждаг бол хугарч нурахад ингэж чаддаггүй нь хамгийн гол аюул ажээ. Энэ нь барилгын материал, түүний дотор чанаргүй арматураас болдог.

Төмөр хичнээн цэвэр байх тусмаа уян, харин эрдэслэг, орц ихтэй байх тусмаа харимхай чанартай байдаг. Уян төмрийг нугалахад хугарахгүй, харин өмнөх хэлбэрээ алддаг. Харимхай төмрийг нугалахад тодорхой даах ачаалал нь хэтэрмэгц шууд хугарна, харин ачаалал хэтрээгүй тохиолдолд өмнөх хэлбэрээ хадгалж үлддэг ба хатуулаг чанар нь уян төмрийг бодвол өндөр байдаг. Япончууд төмрийн энэ хоёр чанарын аль алиныг хослуулж, алдарт самурайн илдээ бүтээсэн ба хатуу эрдэслэг гангаар ирийг нь, уян цэвэр гангаар их биеийг нь хийсэн нь самурайн илдний нууц ажээ.
Эх сурвалж: Өдрийн сонин

Сэтгэгдэл (0)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.