О.Нарангэрэл: Хэрэглэгчдийнхээ хүлээлтээс давсан өндөр чанар, сайн үйлчилгээг хүргэхийг зорьдог

О.Нарангэрэл: Хэрэглэгчдийнхээ хүлээлтээс давсан өндөр чанар, сайн үйлчилгээг хүргэхийг зорьдог
BARILGA EXPO 2018 олон улсын үзэсгэлэн яармагаас Шилдэг ханган нийлүүлэгч шагналыг хүртээд буй “Клаймакс Интернэшнл” ХХК-ийн охин компани “Акватерм”-д зочиллоо. Тэд дотоодын барилгын салбарын хэрэгцээ шаардлагыг хангасан чанарын баталгаатай цэвэр ус, гадна, дотор бохирын шугамын хоолой, холбох хэрэгслийн хамт үйлдвэрлэхийн хажуугаар ган хэвлэмэл радиатор, ариун цэврийн өрөөний тоноглол, плита, халуун усны бойлер, тэлэлтийн болон нөөцийн сав зэрэг сантехникийн бараа материалуудыг Европын улс орнуудаас түргэн шуурхай авчирч, дотоодын зах зээлд тогтмол нийлүүлдэг юм.
Харилцагчдынхаа итгэлийг хүлээсэн үйлдвэрлэгч, ханган нийлүүлэгч болсон “Акватерм”-ийн Борлуулалтын албаны дарга О.Нарангэрэлтэй ярилцсанаа хүргэе.

-“BARILGA EXPO 2018 олон улсын үзэсгэлэн яармагийн Шилдэг ханган нийлүүлэгч байгууллага болсонд баяр хүргэе. Тэгэхээр хэрэглэгчдэд нийлүүлж буй гол бүтээгдэхүүнүүдийнх нь талаар ярилцлагаа эхэлье.

-Манай компани 2006 оноос хойш барилгын материалын салбарт тасралтгүй ажиллаж, олон төрлийн бүтээгдэхүүн үйлдвэрлэж нийлүүлсээр ирлээ. Монголдоо бохир усны хуванцар хоолой, цэвэр усны шугам хоолой болон тэдгээрийн холбох хэрэгслийг үйлдвэрлэж байгаа. Мөн импортоор Итали, Польш, Герман, Турк, Солонгос зэрэг орнуудаас төрөл бүрийн барилгын материалыг авчирч, хэрэглэгчдэд тогтмол нийлүүлж байна. Чанар сайтай бүтээгдэхүүнийг тасралтгүй найдвартай үйлдвэрлэж, импортолж буй учраас бидний ажлыг үнэлж, энэхүү хүндтэй шагналыг өгсөн биз ээ.



-Тэгэхээр үйлдвэрлэлдээ ашиглаж буй технологи, хүчин чадлын тухайд танилцуулахгүй юу? Чанартай бүтээгдэхүүн үйлдвэрлэхэд зайлшгүй анхаарах зүйл нь юу байна?

-“Монгол Нью Пластик”-ийн хуванцар хоолойн үйлдвэр маань Герман, Итали тоног төхөөрөмжөөр Солонгос түүхий эдийг боловсруулан бохир ус, цэвэр усны гээд төрөл бүрийн хуванцар шугам хоолой, тэдгээрийн холбогч хэрэгслүүдийг үйлдвэрлэж байгаа. Бид аль болох хэрэглэгчдийнхээ эрэлт, хэрэгцээнээс давсан өндөр стандарт, чанарын үзүүлэлтийг эрхэмлэн үйлдвэрлэлээ явуулахыг эрмэлздэг. Ингэж өндөр шаардлага тавьж ажилладгийн хувьд бүтээгдэхүүний чанар, нийлүүлэлтэд доголдол гардаггүй сайн талтай.

-Түүхий эдийг гаднаас авахад хүндрэлтэй зүйлс юу байна?

-Хуванцар хоолой үйлдвэрлэхэд шаардагдах түүхий эд, полимерэн материал зэргийг дотоодоос авах боломжгүй учраас гаднаас импортолж байна. Манай үйлдвэр хоёрдогч түүхий эд авч хэрэглэдэггүй, өөрөөр хэлбэл хуванцар материалыг дахин боловсруулж, хэрэглэдэггүй.





-Энэ жилийн тухайд худалдан авагчид, зах зээлийн байдал ямаршуу байна вэ?

-Одоогоор 2017 оны зах зээлийн байдлаас харьцангуй гайгүй байна гэж миний хувьд дүгнэж байна. Борлуулалт сайжирч, бартер солилцоогоор ч худалдаа хийсээр байна. Нэг үеэ бодвол барилгын компаниуд болон үйлдвэрлэгчид нийлүүлэгчид хоорондоо маш сайн ойлголцож, харилцан тохиролцож чаддаг болсон.

-Зах зээл дээрх энэ төрлийн бүтээгдэхүүний нийлүүлэлт ямар байгаа вэ? Тэдгээрийн хэчнээн хувийг танай компани нийлүүлж байна?

-Манай компани бохир усны шугам хоолой, холбогч хэрэгслээрээ дотоодын зах зээлийн бараг 80-90 хувийг хангаж байна. Яг энэ төрлийн бүтээгдэхүүнүүдийг бид өөрсдөө үйлдвэрлэж байгаагаас гадна Герман, Польшоос импортолж буй нь том давуу тал юм. Бохир усны шугам хоолойн хувьд чанар стандартад нийцсэн хоолой холбох хэрэгслийг монголдоо үйлдвэрлэхээс гадна, Польш Герман улсаас импортлон үнийн хувьд гурван түвшинд байгаа учраас хэрэглэгчид сонголтоо хүссэнээрээ хийх өргөн боломжийг олгож байгаа юм.

Бидний үйлдвэрлэлд ашиглаж  буй хуванцраар бүхий л төрлийн бүтээгдэхүүн хийж болно. Нэг удаагийн халбага сэрээ, сандал, хувцасны өлгүүр, барилгын шпатель зэргийг үйлдвэрлэж эхэлж байна.



-Үйлдвэрлэгч, нийлүүлэгч компанийн хувьд үйл ажиллагаагаа явуулахад тулгарч буй бэрхшээл нь юу байна?

-Хоёрдогч түүхий эд ашиглахгүйгээр үйлдвэрлэл явуулдаг учир зах зээл дээр зарагдаж буй хямд үнэтэй бусад хуванцар бүтээгдэхүүнүүдийг бодвол давуу тал ихтэй. Анхдагч түүхий эд полимерийг ашиглан үйлдвэрлэдэг болохоор чанар, стандарт маш сайн. Тэгэхээр хэрэглэгчид анхдагч болон хоёрдогч түүхий эдээр хийсэн бүтээгдэхүүн, тэдгээрийн чанар, үнэ ханшийн талаарх ойлголт сайтай болоосой. Аль болох удаан эдэлгээтэй, эрүүл мэндэд сөрөг нөлөөгүй, арчилгаа бага шаардах бүтээгдэхүүнүүдийг сонгон хэрэглэдэг байх нь чухал шүү дээ.

-Гаднаас бүтээгдэхүүн импортлох, түүхий эдээ оруулж ирэхэд зардал их гарч байна уу?

-Зардал мөнгө гэхээсээ илүү гаалийн лабораторийн үйл ажиллагаа удаан, хүнд суртал ихтэй байдаг нь төвөгтэй. Лабораторид нь түүхий эдээ шинжлүүлэхэд хоёроос гурав хоног болж цаг алдана, ачаалал ихтэй үед бүр ч их удна. Энэ нь импортлогчдод их чирэгдэл учруулдаг.

-Гаднаас авчирч буй бүтээгдэхүүнүүдээ дахин танилцуулахгүй юу?

-Мөн одоогоор Турк улсаас ган хэвлэмэл радиатор, алчуур хатаагч, Италиас халаалтын шугам хоолой, түүний холбогч хэрэгслүүд, насоснууд, хаалт, халаалтын хэрэгслүүд, Польшоос цэвэр, бохир усны хоолой, угсралтын хайрцаг, ариун цэврийн өрөөний тоноглолууд оруулж ирдэг. Хорватаас цахилгаан зуухнууд, хэрэглээний халуун усны бойлер, Солонгосоос галын спринклер болон шугам хоолойн хэрэгслүүд авчирч байна. Импортолж байгаа бүх бараа бүтээгдэхүүнийхээ албан ёсны дистрибьютрээр ажиллаж байна.



Гэрээт борлуулагчид олонтой учраас манай бүтээгдэхүүнүүдийг Монголын аль ч барилгын материалын худалдааны төв, томоохон дэлгүүрүүдээс авах боломжтой. Гэрээт борлуулагчдаа тодорхой хэмжээгээр урамшуулж байхыг ч орхигдуулахгүйг хичээдэг. 10 сая төгрөгөөс дээших худалдан авалтанд үнийн дүнгээс хамаарсан шат дараалсан урамшууллыг үзүүлж байна.



-“BARILGA EXPO 2018 олон улсын үзэсгэлэн яармагт оролцсоны дараах давуу талуудаасаа дурдаач.

-Манай компани “Барилга.МН”-ээс зохион байгуулдаг хавар, намрын үзэсгэлэнгүүдэд тогтмол оролцдог, үр дүн ч сайтай. Илүү олон хэрэглэгч, худалдан авагчид бүтээгдэхүүнээ таниулж, хамтрагчдынхаа хүрээг өргөжүүлж чаддаг. Ялангуяа барилга барих гэж буй хувь хүмүүс, байгууллагуудтай хамтран ажиллах өргөн боломжийг олгодог учраас бид оролцох дуртай байдаг. Барилгын ажлууд эхэлж байгаа улирал болоод ч тэр үү хаврын “BARILGA EXPO 2018” үзэсгэлэн яармагт оролцсоны дараа маш олон хэрэглэгч манайд ханддаг. Түүнд ч зориулаад бид ч бас бүтээгдэхүүний нэр төрлөө шинэчлэн, үзэсгэлэн тус бүрт тусгай танилцуулга, брошураа хэвлүүлдэг.


-Ярилцсанд баярлалаа. Та бүхний ажилд өндөр амжилт хүсэн ерөөе.
Эх сурвалж: Барилга.МН

Сэтгэгдэл (4)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

    Лхагваа 2018-07-23 18:43 59.153.115.238

    Ажилын амжилт
    Лхагваа 2018-07-23 18:43 59.153.115.238

    Ажилын амжилт
    Зочин 2018-09-03 18:26 64.119.25.150

    Хүнийхээ хувьд хэцүү хүн дээ
    Зочин 6 өдрийн өмнө 103.57.95.40

    Ахынхаа буянд ингэж яваа авгай ш дээ.Балиар явдалтай авгай