Тусгай зөвшөөрлийнхөн гадны улсын туршлагыг судлах уулзалт зохион байгууллаа
Барилгын тусгай зөвшөөрөл өгөх эрхийг салбарын төрийн бус мэргэжлийн байгууллагуудад шилжүүлээд багагүй хугацаа өнгөрч байна. Түншлэгч төрийн бус байгууллагууд энэ эрхийг авсан цагаас хойш хэд хэдэн удаагийн хурал, хэлэлцүүлгийг зохион байгуулаад байгаа бөгөөд Барилгын тусгай зөвшөөрөл олгох үйл ажиллагааг сайжруулах, хөгжүүлэх ажлыг үе шатыг шат дараалан хийж байна.
Өнөөдөр МҮХАҮТ-д гадаад улс орнуудын барилгын ажил гүйцэтгэх зөвшөөрлийг хэрхэн олгодог, хэрэгжүүлдэг талаар туршлага судлах үүднээс Монголын Барилгын Инженерүүдийн Холбооны 2018 оны Олон улсын уулзалтын хүрээнд “Барилгын ажлын лиценз, зөвшөөрлийн систем, Хөгжлийн чиг хандлага” сэдвээр олон улсын дугуй ширээний ярилцлага, уулзалтыг зохион байгууллаа.
Тус уулзалтад БХБЯ, МҮХАҮТ-ын Барилгын зөвлөл, Барилгын салбарын ТББ-ууд болон Өмнөд Солонгос, Тайвань улсын барилгын салбарын мэргэжилтнүүд оролцож, Монгол улс дахь барилгын ажлын зөвшөөрөл олгох ажлын процесс, үүнтэй холбоотой төрөөс баримталж буй бодлогын талаар ярилцахаас гадна гадаад улс оронд барилгын ажлын зөвшөөрөл лицензийг хэрхэн олгодог талаар мэдээлэл солилцож, туршлага судлан ярилцсан юм.
Тайвань улсын тухайд барилгын тусгай зөвшөөрөл олгох үйл ажиллагаа нь төрийн байгууллагадаа харьяалагддаг бөгөөд зураг төслийн зөвшөөрөл, барилга угсралтын ажлын зөвшөөрөл, мэргэшсэн инженер барилгын ажил удирдан гүйцэтгэх зөвшөөрөл хэмээн ангилж, эдгээр зөвшөөрлийг төрийн бус байгууллагуудын төлөөлөл орсон төрийн байгууллагын дэргэдэх зөвлөл, хороо нь өгдөг аж. Харин томоохон төслүүдийн барилгын зөвшөөрлийг төрийн байгууллага нь олгодог гэнэ. Сунгуулах хугацаа нь 3-4 жил байна. Сунгуулахдаа хийж гүйцэтгэсэн төсөл, санхүүгийн орлого тооцоогоо нарийвчлан гаргаж, тайлагнадаг гэнэ.
Мөн инженер техникийн ажилтнуудад олгох тусгай зөвшөөрлийг салбарын төрийн бус мэргэжлийн байгууллага нь буюу Тайвань улсын барилгын инженерүүдийн холбоо хариуцдаг. Манай улсаас ялгаатай өөр нэг онцлог нь барилгын аж ахуйн нэгж 1-2 зөвлөхтэй байж болдог бөгөөд 2-4-хөн инженер, техникийн ажилтантай жижиг компани хүртэл тусгай зөвшөөрөл авч, /ийм компани нь ихэвчлэн туслан гүйцэтгэгчээр оролцдог/ жижиг барилгын ажлыг хийж болдог байна.
Тус уулзалтад БХБЯ, МҮХАҮТ-ын Барилгын зөвлөл, Барилгын салбарын ТББ-ууд болон Өмнөд Солонгос, Тайвань улсын барилгын салбарын мэргэжилтнүүд оролцож, Монгол улс дахь барилгын ажлын зөвшөөрөл олгох ажлын процесс, үүнтэй холбоотой төрөөс баримталж буй бодлогын талаар ярилцахаас гадна гадаад улс оронд барилгын ажлын зөвшөөрөл лицензийг хэрхэн олгодог талаар мэдээлэл солилцож, туршлага судлан ярилцсан юм.
Тайвань улсын тухайд барилгын тусгай зөвшөөрөл олгох үйл ажиллагаа нь төрийн байгууллагадаа харьяалагддаг бөгөөд зураг төслийн зөвшөөрөл, барилга угсралтын ажлын зөвшөөрөл, мэргэшсэн инженер барилгын ажил удирдан гүйцэтгэх зөвшөөрөл хэмээн ангилж, эдгээр зөвшөөрлийг төрийн бус байгууллагуудын төлөөлөл орсон төрийн байгууллагын дэргэдэх зөвлөл, хороо нь өгдөг аж. Харин томоохон төслүүдийн барилгын зөвшөөрлийг төрийн байгууллага нь олгодог гэнэ. Сунгуулах хугацаа нь 3-4 жил байна. Сунгуулахдаа хийж гүйцэтгэсэн төсөл, санхүүгийн орлого тооцоогоо нарийвчлан гаргаж, тайлагнадаг гэнэ.
Мөн инженер техникийн ажилтнуудад олгох тусгай зөвшөөрлийг салбарын төрийн бус мэргэжлийн байгууллага нь буюу Тайвань улсын барилгын инженерүүдийн холбоо хариуцдаг. Манай улсаас ялгаатай өөр нэг онцлог нь барилгын аж ахуйн нэгж 1-2 зөвлөхтэй байж болдог бөгөөд 2-4-хөн инженер, техникийн ажилтантай жижиг компани хүртэл тусгай зөвшөөрөл авч, /ийм компани нь ихэвчлэн туслан гүйцэтгэгчээр оролцдог/ жижиг барилгын ажлыг хийж болдог байна.