Чанаргүй бараа материал, үйлчилгээ ХЭЗЭЭ Ч урт хугацаанд оршин тогтнож чадахгүй

Чанаргүй бараа материал, үйлчилгээ ХЭЗЭЭ Ч урт хугацаанд оршин тогтнож чадахгүй
“ДҮН ЮАНЬ интернэшнл” барилгын материалын цогцолбор төвийн Ерөнхий захирал СҮН ВЭН ХУА:
 
-Сайн байна уу. Юун түрүүнд манай уншигчдад өөрийгөө танилцуулаач. Анх барилгын салбарт хэзээнээс татагдах болж, энэхүү улс дамнасан бизнес хийх санаа хэрхэн төрөх болов?
 
-Намайг Сүн Вэн Хуа гэдэг. Миний бие БНХАУ-ын Хэбэй мужийн уугуул иргэн. “ДҮН ЮАНЬ интернэшнл” барилгын материалын цогцолбор төвийг ажиллуулж байна.
Бага насны амьдрал маань тийм ч дардан байгаагүй. Аж амьдралын байдлаас болж тансаг орон сууцанд амьдарч үзээгүй ээ. Миний бие 1994 онд 17 настайдаа гурван жилийн цэргийн албанд татагдсан. Энэ үеэс л цаашид юу хийх, юу хийж чадах талаар их зүйлийг бодсон. Нэг ёсондоо амьдралынхаа хамгийн үнэ цэнтэй бүхний эхлэлийг тавьсан гэж хэлж болно. Цэргийн албаа хаагаад үргэлжлүүлэн хуулийн чиглэлээр сурч хажуугаар нь ажил хийдэг байсан. Миний цэргийн алба хаасан газарт үйлдвэрлэл, худалдаа их хөгжсөн байсан нь надад маш их нөлөөлсөн. Хятадын худалдаа дэлхийн бусад орны бараа бүтээгдэхүүнтэй маш их өрсөлдөж олон шинэ бараа бүтээгдэхүүн худалдаанд гарч байлаа. Энэ үед барилгын салбар эрчимтэй хөгжиж байсан юм. Тэгээд л барилгын салбарт орж ажиллахаар шийдсэн дээ.
2003 онд Манжуур хотод ажиллаж байхдаа Монгол улс, монгол хүнтэй анх танилцаж байлаа. Тухайн үед Хятадын барилгын салбар эрчимтэй хөгжиж байсан тул энэ салбараас орон зайг харж, боломжийг ашиглаж ажиллаж эхэлсэн. Улмаар Монгол улстай хамгийн ойр бөгөөд худалдаа хийхэд таатай газрыг Эрээн хот гэж үзэн энд ирсэн дээ. Ингээд 2008 онд Эрээн хотын барилгын захад дэлгүүрээ нээн, барилгын бараа, материал борлуулж үйл ажиллагаагаа явуулж эхэлсэн.
Анх компаниа байгуулаад гурван үйлдвэрийн арваад төрлийн барааг худалдаалж байлаа. Харин одоо гурван салбар дэлгүүртэй, 23 ажилчинтай, барилгын материалын цогцолбор төв болтлоо өргөжин ажиллаж байна. Бид гадаад, дотоодын 160-аад үйлдвэртэй хамтран ажилладаг. Засал чимэглэл, сантехникийн материалууд, барилгын туслах бараа бүтээгдэхүүн гээд 3000-аад нэр төрлийн бүтээгдэхүүнийг үйлдвэрээс нь шууд нийлүүлдэг.
 
-“ДҮН ЮАНЬ” нэрийн тухайд ямар утгатай юм бэ?
 
-“Дүн Юань” гэдэг нэр маань Хятад, Монгол хоёр улс сайн найз, сайн хөрш гэсэн утгыг илэрхийлдэг. “ДҮН ЮАНЬ Интернэшнл” монголчуудад зөвхөн чанартай барааг нийлүүлэхийг гол зорилгоо болгон ажилладаг нь үйлчлүүлэгчдийн маань сэтгэлд хүрч чадсан. Цаашдаа ч гэсэн улам сайн ажиллана гэдэгтээ итгэлтэй байгаа.
 
-Эдгээр жилүүдэд “ДҮН ЮАНЬ Интернэшнл”-д ямар бэрхшээлүүд тохиолдож байв? Тэрхүү бэрхшээлүүдийг хэрхэн даван туулав? Ер нь компанийнхаа хөгжлийн талаар ярихгүй юу.
 
- Ололт, олз омог ихтэй байсан ч үүний хажуугаар бэрхшээл бас багагүй байлаа. Аливаа үйл ажиллагаа эхлүүлэх л хамгийн хүнд байдаг. Би зүгээр л маш их ажилласан. Хятадын 32 муж, хотоос 25 муж, хотын үйлдвэрүүдийн шинэ бараа бүтээгдэхүүнтэй танилцаж, өөрийн компанид хэрэгтэй бараагаа байнга эрэлхийлж явсан. Хариуцлагатай, итгэл даахуйц компанийг удирдаж явахад тасралтгүй суралцаж, байнга өөрчлөлт хийж байж улам өргөжин дээшлэх болно шүү дээ. Жижигхэн дэлгүүр нээж байснаа бодвол одоо Эрээн хотын томоохон аж ахуйн нэгжийн нэг болоод байгаа.
Би жил бүр Монголд 3-5 удаа биечлэн очиж, харилцагч компаниудтайгаа тусгайлан уулзалт хийн, туршлага солилцдогоос гадна барьж байгаа барилга дээр нь очиж, зөвлөмж өгч, тулгамдаж байгаа асуудлуудыг шийдвэрлээд явдаг.
 
-Үнийн таатай нөхцөлийг Хятад улс бүрдүүлж чаддаг учраас дэлхийн олон орны алдартай брэндийн үйлдвэрүүд байрладаг. Бусад улс орон ч танай улсаас худалдан авалт хийх сонирхол маш өндөр байдаг. Үүнийг танай барилгын материалын төвийн маш том давуу тал гэж харж байна. Энэ тухайд?
 
-Энэ сэдвийг хөндсөнд маш их баярлалаа. Монгол улстай харилцахад Хятадын бараа материалд таатай бус ханддаг байдал ажиглагдсан. Дэлхийн өндөр хөгжилтэй орнуудын түүхээс харвал дан ганц монголчууд ийм хандлагатай бус ихэнх улс орнууд хөгжлийн явцдаа бүгд энэ шатыг туулсан байдаг. Манай улсад чанартай, стандартад нийцсэн бараа, материал гаргадаг үйлдвэр олон байгуулагдсан ч сайны хажуугаар саар гэгчээр чанарын шаардлага хангахгүй бараа материал гаргадаг үйлдвэрүүд их байдгийг нуух юун. Ийм чанаргүй болон хуурамч бараа материал, үйлчилгээ зах зээл дээр хэзээ ч урт хугацаанд оршин тогтнож чадахгүй. Энэ тал дээр Хятадын Засгийн газраас эрчимтэй арга хэмжээ авч, ийм үйлдвэрүүдийн барааг худалдаанд гаргахгүй байх, цаашлаад үйл ажиллагааг нь зогсоож хаах бодлого явуулж байгаа.
Сүүлийн жилүүдэд дэлхийн улс орнуудад “Made in China” хүлээн зөвшөөрөгдсөөр байна. Дахин хэлэхэд, “Дүн Юань Интернэшнл” барилгын материалын цогцолбор төвийн гол зорилго нь үйлчлүүлэгчдийнхээ сэтгэл ханамжид анхаарч цаг хугацаа алдахгүйгээр, чанартай бараа материалыг нэг дороос худалдан авах боломжийг бий болгох юм. Худалдан авалтын дараа ямарваа нэгэн асуудал гарахад манай компани бүрэн хариуцлага хүлээдэг.

 
-Монголын зах зээлд бараа, бүтээгдэхүүнээ нийлүүлэхийн тулд олон нийт, хэрэглэгчдэд ямар сувгаар мэдээллээ түгээж байна вэ?
 
-Бид борлуулалтын олон сувгийг ашиглаж мэдээллээ түгээдэг. Тухайлбал, “Барилга.МН” сэтгүүл, barilga.mn вэб хуудсанд өөрийн “Дүн Юань Интернэшнл” аккаунттай, мөн өөрийн cndymn.com вэб сайт, фэйсбүүк дэх албан ёсны пэйж хуудас @onlinedongyuan бол wechat: Dongyuan international зэрэг сувгуудаар мэдээлэл түгээж байна даа. Түүнчлэн BARILGA EXPO үзэсгэлэн худалдаанд оролцож олон хамтрагч түнштэй болсон. Их өгөөжтэй сайхан үзэсгэлэн худалдаа болдог.
Энэ дашрамд танай хамт олонд баярлаж явдаг аа хэлэх нь зүй байх. Бид 2008 оноос хойш “БАРИЛГА ЭН ЭМ” ХХК-тай хамтран ажилласан. Танай хамт олон ажилдаа хариуцлагатай, барилгын салбартаа шилдэг компани шүү. Та бүгдийн тус дэмжлэг байснаас маш олон хүнд танигдаж, олон харилцагчтай болсон. Манай “Дүн Юань Интернэшнл”-д итгэж туслалцаа үзүүлж байсан явдалд үнэхээр их баярлаж явдаг аа.
 
Дэлхийн аль ч улс оронд худалдан авалт нь өөр өөр байдаг. Улс орны нөхцөл байдал, ахуйн онцлогоос хамаарч хүмүүсийн худалдан авалт нь харилцан адилгүй.
 
-Магтаж байгаад баярлалаа. Монгол улсыг сайн мэдэх бизнес эрхлэгч хүний хувьд манай орны барилгын салбарын хөгжлийг та хэрхэн харж, дүгнэж байна вэ?
 
-Улс орны хамгийн чухал асуудал бол ард иргэдийн амьжиргааны түвшин сайн байж, тохь тухтай амьдрах юм. Монгол бол хурдацтай хөгжиж байгаа улс, энэ талаараа Хятад улстай адилхан. Улс орны эдийн засаг сайжрахыг дагаад хүн амын амьдрал ч сайжрах болно. Ирэх жилүүдэд Монголын барилгын салбар илүү эрчимтэй хөгжинө гэдэгт итгэлтэй байна.
Дэлхийн 63 улс Хятадын засгийн газраас хэрэгжүүлж байгаа “Нэг зам, нэг бүс” гэх төрийн бодлогын дагуу харилцан ашигтай ажиллах илүү их боломжийг нээж байгаа юм.
 
-Хятад болон монгол хүний худалдан авалт хийх сэтгэлгээний онцлогийн тухайд та юу хэлмээр байна? Монгол хүнийн хувьд биетээр, барьж үзэж байж худалдан авалт хийх сонирхолтой шүү дээ.
 
-Тийм шүү. Тиймээс онлайнаар захиалга авахаас гадна гурван салбар дэлгүүр болон агуулахтай танилцан хэрэгцээтэй бараа материалаа сонирхох боломжийг бүрдүүлсэн. Дэлхийн аль ч улс оронд худалдан авалт нь өөр өөр байдаг. Улс орны нөхцөл байдал, ахуйн онцлогоос хамаарч хүмүүсийн худалдан авалт нь харилцан адилгүй гэсэн үг л дээ. Ер нь тэгээд “мянга сонсохоор нэг үз” гэдэг шүү дээ. /инээв/
 
 -Компанийнхаа цаашдын зорилго, хэтийн төлөвлөгөөнөөс товчхон ярина уу.
 
“ДҮН ЮАНЬ Интернэшнл” ойрын 3-5 жилийн зорилгоо тавьж, хийх ажлуудаа төлөвлөөд байна. Бараа бүтээгдэхүүнийхээ чанар болоод стандартыг улам сайжруулах, худалдан авалтын дараа сэтгэл ханамжийн баталгаа өгөх. “Bravat”, “Hormann” гэх мэт европын нэр хүндтэй брэндийн бараа болон бусад олон улсын стандарт, чанарын шаардлагад бүрэн нийцсэн бүтээгдэхүүнийг хямд үнээр худалдан авах боломжоор хангана. Бүх бараа материалын үнэ ханшийг хамгийн доор барих бодлогыг баримтална. Мөн Улаанбаатарт салбараа байгуулж, яаралтай барааг 24 цагийн дотор нийлүүлэх боломжоор хангахын тулд томоохон агуулах барихаар төлөвлөж байгаа. Түүнчлэн Монголд орчин үеийн техник, технологийг ашиглан зохион байгуулалт сайтай тансаг зэрэглэлийн хаус хотхон барина.
 
-Баярлалаа. Таны цаашдын энэ их ажил үйлсэд тань өндөр амжилт, олз омог хүсье.
 
 






 

 
 
Эх сурвалж: Барилга.МН сэтгүүл 4-р сарын дугаар

Сэтгэгдэл (0)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.