“БАРИЛГА, ОРОН СУУЦ 2018” үзэсгэлэн яармагийн талбайн захиалга эхэллээ

“БАРИЛГА, ОРОН СУУЦ 2018” үзэсгэлэн яармагийн талбайн захиалга эхэллээ
 

   Дэлгэр зуны цагт барилгын салбарт хийж бүтээсэн ажлаа ард иргэддээ дэлгэн танилцуулдаг, намрын хамгийн олон оролцогч, хамгийн олон үзэгчтэй “БАРИЛГА, ОРОН СУУЦ 2018” олон улсын үзэсгэлэн яармагийн талбайн захиалга эхэллээ. Үзэсгэлэн 2018 оны 08 дугаар сарын 24-нөөс 26-ны өдрүүдэд Мишээл экспо төвд гурван өдрийн турш зохион байгуулагдана.

Үзэсгэлэн нь:
  • Барилгын материал,
  • Шинэ техник технологи нэвтрүүлэгчид
  • Шинэ орон сууц
  • Амины орон сууц
  • Интерьер, экстерьер
  • Ландшафт, гадна тохижилт
  • Тавилга, гэр ахуй гээд барилгын салбарт холбогдолтой бүхий л бүтээгдэхүүн үйлчилгээг иргэддээ ойртуулж, хамгийн дөт замаар тэдэнд хүргэх нь энэхүү үзэсгэлэн яармагийн зорилго билээ.
    Мөн энэ нь барилгын компаниуд, үйлдвэрлэгчид, худалдаа эрхлэгчид, үйлчилгээ үзүүлэгч аж ахуйн нэгж байгууллагуудын хувьд цөөхөн хоногийн дотор бүтээгдэхүүн үйлчилгээгээ хямд зардлаар зорилтот хэрэглэгчдэд сурталчлан таниулах гол арга хэмжээ болж байдаг юм.

   Үзэсгэлэнд оролцогч байгууллагуудад маркетингийн зардлаа хэмнэж, зорилтот зах зээлд үйлчилгээгээ сурталчлан, худалдан авагчидтай нүүр тулан уулзаж, хэрэглэгчийн судалгаа авах, бизнесийн харилцаа хүрээгээ өргөжүүлэх олон боломжийг олгодог нь “БАРИЛГА, ОРОН СУУЦ 2018”-ын нэгэн чухал давуу тал юм.

      Түүнчлэн үзэсгэлэнгийн зар сурталчилгаа, мэдээллийг Монголын хамгийн их хандалттай телевиз, радио, өдөр тутмын сонин, олон нийтийн сүлжээ, масс мэйл ба мессеж, рекламны самбар зэрэг идэвхтэй сувгуудаар олон нийтэд түгээдэг. Арван нэг дэх жилдээ амжилттай зохион байгуулагдаж буй тус үзэсгэлэнд гадаад, дотоодын 150 гаруй компани оролцож, 24,000 орчим хүн үзэж сонирхдог билээ. Жил ирэх тусам үзэсгэлэнг үзэгчдийн тоо нэмэгдсээр байгаа нь оролцогчдод олон таатай боломжийг олгосоор байна.

     “БАРИЛГА, ОРОН СУУЦ 2018” үзэсгэлэн яармагийн Ерөнхий зохион байгуулагчаар “Барилга.МН”, хамтран зохион байгуулагчаар Барилга, Хот Байгуулалтын Яам, Нийслэлийн Засаг Даргын Тамгын Газар, Монголын Барилгын Үндэсний Ассоциаци зэрэг байгууллагууд ажиллаж байна.

    Үзэсгэлэнгийн үеэр төр болон төрийн бус байгууллагууд, хувийн хэвшлийнхний уулзалт семинаруудыг явуулахын зэрэгцээ оролцогч компаниуд өөрсдийн бүтээгдэхүүн үйлчилгээг танилцуулсан олон арга хэмжээг зохион байгуулах боломжтой.

     Барилга, үл хөдлөх хөрөнгө, ханган нийлүүлэлтийн салбарын байгууллагууд та бүхнийг “БАРИЛГА, ОРОН СУУЦ 2018” үзэсгэлэн яармагт амжиж талбайгаа захиалаад, намрын хамгийн том арга хэмжээнд нэгдэхийг урьж байна.
 
“БАРИЛГА, ОРОН СУУЦ 2018” үзэсгэлэн яармагийн
Зохион байгуулах хороо

Холбоо барих: 99000981, 99907816, 77113333

Эх сурвалж: Барилга.МН

Сэтгэгдэл (0)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.