"Дулаан хангамж, халаалт, агаар сэлгэлт, кондиционерийн" мэргэжлийн АНХДУГААР хуралдаан өчигдөр амжилттай зохион байгуулагдлаа. Тус хуралдааныг нээж Монголын Барилгын Инженерүүдийн Холбооны ерөнхийлөгч Б.Мөнхбаяр, ШУТИС.Барилга, Архитектурын Сургуулийн захирал Э.Нинжгарав нар үг хэлсэн юм.

   Хуралдаанд төрийн болон хувийн байгууллагын нийт 70 гаруй инженер хамрагдаж, дараах салбар хуралдааны дагуу үргэлжиллээ. Үүнд: Дулааны эх үүсвэр ба халаалтын систем, Дотор агаарын чанар ба агаар сэлгэлт, Хөргөлт, кондиционер, автоматжуулалт. Мөн тус хуралдааны үеэр салбарт тулгамдаж буй асуудлуудыг хэлэлцэж, түүнийг шийдвэрлэх арга замын талаар нээлттэй хэлэлцүүлэг зохион байгуулсан юм.

   Хуралдааны төгсгөлд Ахмад инженер Ц.Дашдорж үг хэлэхдээ: Тус үйл ажиллагааг санаачлан зохион байгуулсан МБИХ-ны ерөнхийлөгч Б.Мөнхбаяр, ШУТИС-ийн хамт олонд талархал илэрхийлж хуралдааныг тогтмол зохион байгуулахыг хүслээ.