“Монгол Базальт” ХК нь хувьцаагаа олон нийтэд нээлттэй санал болгож байна

“Монгол Базальт” ХК нь хувьцаагаа олон нийтэд нээлттэй санал болгож байна

   МБҮА-ийн Удирдах зөвлөлийн гишүүн "Монгол Базальт" ХК-ийн хувьцаагаа олон нийтэд санал болгох нээлтийн Цан цохих үйл ажиллагаа өчигдөр буюу 2018 оны 05 дугаар сарын 09-ний өдөр Монголын Хөрөнгийн биржийн танхимд болж өнгөрлөө.

   Тус нээлтийн ажиллагаанд МБҮА-ийн Ерөнхийлөгч Д.Цэрэнжигмэд, Дэд ерөнхийлөгч Б.Нэмэхбаатар болон МҮХАҮТ-ын Ерөнхийлөгч Б.Лхагважав нар оролцож, "Монгол Базальт" ХК-ийн МУ-ын аж үйлдвэр, эдийн засгийн хөгжилд оруулж буй хувь нэмэр, том алхмыг үнэлэн баяр хүргэж, ажлын амжилт хүслээ.  

   МБҮА-ийн үүсгэн байгуулагчдын нэг "Монгол Базальт" ХК-ийн захирал Л.Ариунболд цан цохих нээлтийн үеэр: “Манай компани зах зээлийн ололт, амжилтаа Монголын ард түмэн, бизнес эрхлэгчидтэй хамтран эзэмших боломжийг нээж байна. Та бүхний хийсэн хөрөнгө оруулалтаар дараагийн шинэ үе рүү орох тэсрэлтийг хийхээр өнөөдөр IPO гаргаж байна. Таны оруулсан хөрөнгө оруулалт зөвхөн өөрт чинь эдийн засгийн ашиг болж орохоос гадна, Монгол Улсын хөгжил, манай улс Төв Азидаа экспортлогч орон болох, Улаанбаатар хотын агаарын бохирдлыг шийдэх, айл бүр аюулгүй орчинд амьдрах шинэ боломжийн нээх зэрэг олон асуудлыг шийдэхэд хувь нэмэр болно. Бид ийм эрэлттэй, шинэ технологи бүхий түлхүүр бүтээгдэхүүн үйлдвэрлэж, зах зээлд нэвтрүүлж чадаж байгааг бидний бүтээсэн 18 жилийн түүхээс харж болно. Бид энгийн нэгэн байгалийн чулуугаар галд шатдаггүй, дулаан тусгаарлагч материал хийж байсан бол дараагийн үе шатанд чулуунаас утас гарган авч байна. Энэхүү бүтээгдэхүүн нь манай улсын 70 жилийн түүхэндээ оролцож чадаагүй машин, онгоц, батлан хамгаалах салбарт экспортлогч, түүхий эд үйлдвэрлэгч улс болох боломжийг бүрдүүлж байна. Та бүхний хөрөнгө оруулалт Монголыг Төв Азидаа өндөр технологийн үйлдвэрлэгч  компани болгоно гэдэг итгэлтэй байна” гэлээ.

   "Монгол Базальт" ХК нь нийт хувьцааны 30 хувь болох 16,925,100 ширхэг хувьцааг тус бүрийг 380 төгрөгийн тогтоосон үнээр Монголын хөрөнгийн бирж дээр нээлттэй худалдаж нийт 6,431,538,000 төгрөгийг татан төвлөрүүлэх юм.
Үндсэн андеррайтераар "Бумбат Алтай" ҮЦК ХХК, туслах андеррайтераар "Гаүли" ҮЦК ХХК, "Стандарт Инвестмент" ҮЦК ХХК нар ажиллаж байгаа бөгөөд үнэт цаасны захиалгыг 2018 оны 05 дугаар сарын 14-ний өдрөөс эхлэн 5 дугаар сарын 23-ны өдөр хүртэл авч, анхдагч зах зээлийн арилжааг эхлүүлэхээр төлөвлөж байна.
Эх сурвалж: Монголын барилгын үндэсний ассоциаци

Сэтгэгдэл (1)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

    williams owen 12 өдрийн өмнө 197.211.61.53

    Зээлийн хөнгөлөлтийг хүлээн зөвшөөрөх Сайн уу, санхүүгийн хэрэгцээ юу вэ? Бид хамгийн багадаа $ 100,000,000.00 хамгийн багадаа $ 100,000.00 хамгийн багадаа $ 100,000,000.00, 18years болон түүнээс дээш хугацаанд тохиромжтой хугацаатай. Бидэнтэй холбоо бариарай. Fundservice0@gmail.com Бизнесийн зээл хэрэгтэй юу? Хувийн зээл хэрэгтэй юу? Та машин худалдаж авахыг хүсч байна уу? Та дахин санхүүжүүлэхийг хүсч байна уу? Та моргейжийн зээл хэрэгтэй юу? Бизнесийн санал эсвэл өргөтгөлийг эхлүүлэхийн тулд танд маш их нөөц хэрэгтэй юу? Та итгэл, санхүүгийн дарамтаа алдсан гэж бодож байна уу? Бизнесийн хамтын ажиллагааны талаар бидэнтэй холбоо барина уу