Барилгын материал, дэвшилтэт технологийн үзэсгэлэн өнөөдөр, маргааш үргэлжилнэ

Барилгын материал, дэвшилтэт технологийн үзэсгэлэн өнөөдөр, маргааш үргэлжилнэ
   "BARILGA EXPO 2018" олон улсын үзэсгэлэн яармагийн эхний ээлж буюу Барилгын материалын үзэсгэлэн Мишээл экспо төвд хоёр дахь өдрөө үргэлжилж байна. 



    Та бүхэн үзэсгэлэнд хүрэлцэн ирснээр барилга, барилгын материал, дэвшилтэт техник технологи, салбарт нэвтэрсэн шинэ бүтээгдэхүүн, интерьер болон экстерьер заслын материалууд зэрэг төрөл бүрийн бүтээгдэхүүнтэй танилцах боломжтой. Мөн барилгын материалын зах зээл дэх бодит үнэ ханшийг нэг дор харьцуулан харж, сонголтоо хийн үзэсгэлэнгийн оролцогчид болох худалдан борлуулагчид, үйлдвэрлэгчдээс нь шууд авах таатай нөхцөл энэхүү үзэсгэлэнд бүрдээд байна.



      Барилгын материалын хэрэглэгч, худалдан авагч та бүхэнд энэхүү үзэсгэлэн яармагийн үеэр явагдах хямдрал урамшуулалтай худалдаа хийж буй оролцогчдыг дахин танилцуулъя.

    Оролцогч компаниудаас зөвхөн үзэсгэлэнгийн өдрүүдэд иргэдэд зориулан тусгай хөнгөлөлт, урамшууллыг зарлаад байна. Тухайлбал, чанар хэрэглээгээрээ хэдийнээ хэрэглэгчдийн танил болсон VGT болон Корунд брэндийн гадна, дотор эмульс, төрөл бүрийн будаг нийлүүлэгч “Сан трейдинг групп” ХХК нь 500,000 төгрөгөөс дээших бүхий л худалдан авалтанд долоон шатлал бүхий үнийн дүнгээс хамаарсан урамшууллын бүтээгдэхүүн бэлгэнд өгөхөөр зэхжээ.



   Харин Францын алдарт Легранд брэндийн цахилгааны холбох хэрэгслүүдийг танилцуулахаар оролцож байгаа “Топологи” ХХК бүтээгдэхүүндээ 10 хувийн хямдрал зарлаж байгаа юм. Ус тусгаарлагч төрөл бүрийн бүтээгдэхүүн худалдаалж буй “Дарамбат” ХХК нь худалдан авагчиддаа 5-10 хувийн хөнгөлөлт үзүүлэх аж. Түүнчлэн Герман, Норвеги, Белги, Англи, Тайвань, Оросын чанар сайтай цахилгааны төрөл бүрийн залгуур болон халаагуур зэрэг бүтээгдэхүүнээ “Баухаус” ХХК 10-20 хувийн хямдралтай үнээр худалдаална.



   Мөн “Кабель Хаус” төвөөс бүх төрлийн кабелиудаа бөөний үнэ буюу 5-10 хувийн хөнгөлөлттэй үнээр хэрэглэгчдэд хүргэх юм. “Хараа сүмбэр” ХХК-ийн Жоби барилгын материалын дэлгүүр ч мөн адил бүх бүтээгдэхүүндээ 10 хувь, “МСМ групп” ХХК 20 хувь, “Тэнгэр тауэр” ХХК 5 хувийн хөнгөлөлт урамшууллуудыг тус бүр зарлажээ. Харин “Эндлесс энержи” ХХК-ниас LS брэндийн бүтээгдэхүүнүүддээ 3 хувийн хөнгөлөлтийн карт дагалдуулах юм.

     Энэ мэтчилэн зөвхөн үзэсгэлэнгийн цөөхөн өдрүүдэд оролцогчдын зүгээс тусгайлан зарласан бэлэгтэй, урамшуулалтай, хөнгөлөлттэй, сугалаат худалдаа явагдах гэж байна шүү.

    Барилгын материалын үзэсгэлэн маргааш орой 19:00 цагт өндөрлөх тул та бүхэн амралтын өдрүүд амжуулаад хэрэгцээт бүтээгдэхүүнээ худалдан аваарай. 












































 
Эх сурвалж: Барилга.МН

Сэтгэгдэл (0)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.