“БАРИЛГА.МН” сэтгүүлийн шинэ сарын шинэхэн дугаар уншигчдын гарт

“БАРИЛГА.МН” сэтгүүлийн шинэ сарын шинэхэн дугаар уншигчдын гарт

   Хахир хүйтний улирал ард хоцорч, бүтээн байгуулалтын их ажил үйлс далласан урин цаг ирсэн энэ үед “БАРИЛГА.МН” сэтгүүлийн шинэ дугаар уншигч та бүхний гарт хүрч байна. Энэхүү дугаар нь 2018 оны дөрөвдүгээр сарын тавны өдөр Төрийн ордонд болох “Барилга, нийтийн аж ахуйн салбарын удирдах ажилтны зөвлөгөөн 2018” арга хэмжээг угтан гарч буйгаараа ихээхэн онцлогтой юм.


 
   Түүнчлэн хавар цагийн их бүтээн байгуулалтын ажилд зориулан бид барилгын материал үйлдвэрлэгчдийн төлөөллийг урьж, Харах өнцөг булангаараа тэдний үзэл бодол байр суурийг уншигч олноо хүргэхийг хичээлээ. Мөн төрийн зарим чиг үүргийг төрийн бус байгууллагаар гүйцэтгүүлэх ажлын хүрээнд Барилгын ажил гүйцэтгэх тусгай зөвшөөрөл олгох үйл ажиллагааны талаар тус ажлыг хариуцсан Ажлын хэсгийн даргатай хийсэн ярилцлага болоод тодорхой мэдээллүүдийг энэ дугаартаа бэлтгэлээ.



   Сэтгүүлийн Дугаарын зочин буланд Монголын барилгын салбарт ханган нийлүүлэлтийн чиглэлээр олон компанид найдвартай түнш нь болж ажиллаж буй “Дүн Юань интернэшнл” БНХАУ-ын барилгын материалын цогцолбор төвийн ерөнхий захирал Сүн Вэн Хуаг онцлон ярилцсан билээ. Түүний ярилцлагаас Монгол-Хятадын барилгын материалын зах зээлийн ялгаа, онцлог, худалдан авагчдын зан төлвийн талаарх олон сонирхолтой баримтуудыг уншаарай.



   Мэдээж мэргэжлийн уншигчиддаа зориулан Монголдоо анх удаа 26 метр өндөр, 110кВт-ын хүчин чадал бүхий цахилгаан дамжуулах шугамын төмөр бетон тулгуур үйлдвэрлэхээр техник-зохион байгуулалтын бэлтгэлээ хангаад буй “Энх-Өглөө” компанийг Танайд зочилъё булангаараа танилцууллаа.



   Харин Бүх нийтэд зориулсан саадгүй орчин булангаас Тэргэнцэртэй иргэдийн үндэсний холбооны тэргүүн Б.Чулуундолгортой хийсэн ярилцлага, барилгын салбарынханд хүргэх зөвлөмжийг хүлээн аваарай.



   Сэтгүүлийн сар болгоны дугаарт албан ёсоор багтдаг Мэргэжлийн зөвлөмж, Амины орон сууц, Интерьерийн булангуудаараа олон талын зөвлөмжүүдийг уншигч та бүхэндээ зориулан бэлтгэлээ.

   Дашрамд хэлэхэд, “БАРИЛГА.МН” сэтгүүлийн II улирлын захиалга орон даяар явагдаж байгаа тул сэтгүүлээ амжиж захиалахыг дахин сануулъя.
 
Сэтгүүл захиалгын мэдээллийг ЭНДЭЭС авна уу.
 
 
Эх сурвалж: Барилга.МН сэтгүүл

Сэтгэгдэл (0)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.