Барилгын тусгай зөвшөөрлийн үйл ажиллагааг танилцуулах уулзалт дахин зохион байгуулагдана
“Барилга, нийтийн аж ахуйн удирдах ажилтны зөвлөгөөн 2018” арга хэмжээний хүрээнд Барилгын тусгай зөвшөөрлийн үйл ажиллагааг танилцуулах уулзалтыг 2018 оны 04 дүгээр сарын 06-ны өдөр дахин зохион байгуулах гэж байна.
Төрийн зарим чиг үүргийг төрийн бус байгууллагаар гүйцэтгүүлэх ажлын хүрээнд Барилгын ажил гүйцэтгэх тусгай зөвшөөрөл олгох үйл ажиллагааг Барилга, хот байгуулалтын яамтай байгуулсан гэрээний дагуу Монголын Барилгын Үндэсний Ассоциаци нь салбарын төрийн бус мэргэжлийн байгууллагуудтай хамтран гүйцэтгэхээр болсон билээ.
Барилгын тухай хуулийн дагуу Барилгын ажил гүйцэтгэх тусгай зөвшөөрлийн суурь нөхцөл, шаардлага болон журам шинэчлэгдэн батлагдан цахим системд нэвтэрч эхлээд байна.
Иймд Барилгын ажил гүйцэтгэх тусгай зөвшөөрлийн шинэ журам, эрх зүйн орчны талаарх мэдээллийг өгөх, санал солилцох уулзалтад хот болон хөдөө орон нутаг дахь барилгын салбарын аж ахуйн нэгж, байгууллагуудыг хүрэлцэн ирэхийг урьж байна.
Зохион байгуулагчид:
- Монголын барилгын үндэсний ассоциаци,
- МҮХАҮТ-ын Барилга дэд бүтцийн зөвлөл,
- Монголын барилгачдын нэгдсэн холбоо,
- Монголын инженер геологичдын холбоо,
- Барилгын төсөвчдийн холбоо,
- Монголын барилгачдын үйлдвэрчний эвлэлийн холбоо,
- Өргөн тээвэрлэх машин төхөөрөмжийн үндэсний холбоо,
- Монголын барилгын инженерүүдийн холбоо,
- Монголын барилгын зураг төсөл зохиогчдын холбоо,
- Монголын барилгын гүйцэтгэгч байгууллагуудын холбоо
ХЭЗЭЭ: 2018 оны 04-р сарын 06-ны өдрийн 14:00 цагт
ХААНА: МҮХАҮТ-ын 1-р давхарт