Үнэ цэнэтэй барилгыг сонгоход юуг анхаарах вэ?

Үнэ цэнэтэй барилгыг сонгоход юуг анхаарах вэ?

Манай оронд барилгын салбар эрчимтэй хөгжихийн хэрээр дэлхий нийтийн жишиг болсон барилгын дэвшилтэт технологийг өргөнөөр нэвтрүүлж байна. Үүний тод жишээ нь ухаалаг барилгын систем буюу барилгын менежментийн систем юм. Барилгын цахилгаан, ус, дулаан хангамж, салхивч, хөргөлт, агааржуулалт зэрэг барилгын дэд бүтцийн системүүд нь хоорондоо хамааралгүй, механик ажиллагаатай байсан бол одоо нэгдсэн удирдлага бүхий автомат системд шилжиж байна.  Үүний үндсэн гол зорилго нь энергийн хэмнэлттэй зөв зарцуулалтаар тав тухтай байдлыг хангах явдал юм.

Манай компани 2012 оноос эхлэн дэлхийд ухаалаг барилгын технологиор тэргүүлэгч Siemens корпорацын Building Technology салбартай албан ёсны түншээр хамтран ажиллаж байна. Хамтын ажиллагааны хүрээнд өөрсдийн инженерүүдийг Siemens-ийн барилгын автоматжуулалтын систем болох Desigo системийн сургалтуудад бүрэн хамруулж, албан ёсны сертификат эзэмшүүлэн, БМС-н төслүүдийг амжилттайгаар хэрэгжүүлж ирсэн. Томоохон төслүүдийн нэг жишээг дурдахад Олон Улсын JCI Магадлан Итгэмжлэлт Интермед эмнэлэг юм. 

Барилгын автоматжуулалтын шийдлүүд:  

  • Халаалт, салхивч, хөргөлтийн систем (HVAC)-ийн удирдлага, хяналт
  • Гэрэлтүүлэг, гэрлийн удирдлага
  • Цахилгаан хангамжийн хамгаалалт, хяналт, удирдлага
  • Гал, хулгайн дохиоллын төрөл бүрийн системүүд
  • Үл тасалдах цахилгаан хангамж буюу UPS
  • Хурлын өрөөний систем
  • Нэвтрэх хяналтын систем
  • Автомашин зогсоолын систем
  • Камерын хяналтын систем

Барилгын менежментийн системийг суурилуулах шаардлага:

  • Барилгын дэд бүтцийн (HVAC) системүүдийн найдвартай ажиллагааг хангах 
  • Эрчим хүчний оновчтой, хэмнэлттэй хэрэглээг нэвтрүүлэх 
  • Түрээслэгч болон хэрэглэгчийн тав тух, барилгын үнэ цэнийг өсгөх
  • Урт хугацаанд барилга ашиглалтын зардлыг бууруулах

Давуу тал: Түрээслэгч болон оршин суугч

  • Эрчим хүчний хэрэглээг үр дүнтэй хянах, төлөвлөх
  • Орчноо хялбар удирдаж тохируулах
  • Өрөө тус бүрийг бие даан тохируулах
  • Ажиллах орчин нь хүний эрүүл мэнд, бүтээлч чанар болоод бүтээмжид шууд нөлөөлж байдаг тул тохилог тав тухтай байдлыг бий болгох
  • Барилгын тоног төхөөрөмжийн найдвартай ажиллагаа, ашиглалтын хугацааг сайжруулах
  • Халаалт, хөргөлттэй холбоотой асуудлыг үр дүнтэй шийдвэрлэх
  • Засвар үйлчилгээтэй холбоотой зардал, цаг хугацааг хэмнэх

Давуу тал: Барилга эзэмшигч

  • Барилгын үнэ цэнэ өсөх тул түрээсийн үнэ өндөр болж илүү ашиг олох боломжтой болно
  • Хэрэглээгээ уян хатан тохируулах боломж бий болж, зардал хэмнэнэ
  • Түрээслэгчийн зардал болоод тооцоог тусад нь гаргах боломжтой
  • Барилгын системүүдийг алсаас болон төвлөрсөн байдлаар хянах, удирдах боломжтой

Давуу тал: Орон сууцны контор, үйлчилгээний компани

  • Эвдрэл гэмтлийн мэдээллийг хялбар олж авна
  • Тогтмол засвар үйлчилгээ, хяналт шалгалтын хуваарийг компьютерын системээр хийнэ.
  • Үйлчилгээний ажилтан илүү үр дүнтэй ажиллана
  • Гэмтлийг эрт илрүүлж засварлах боломж бүрдэнэ
Эх сурвалж: ITZone LLC

Сэтгэгдэл (0)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.