Сонгинохайрхан дүүрэгт ногоон барилга барина

Сонгинохайрхан дүүрэгт ногоон барилга барина

   Ногоон эдийн засгийг дэмжих чиглэлээр бодлогын түвшинд нэлээд олон ажил хийж хэрэгжүүлэхээр төлөвлөөд байна. Тухайлбал, барилгын норм, дүрмүүдийг шинэчлэх, ногоон барилгын зураг төсөл боловсруулах ажлыг хийхээр төрийн болон төрийн бус байгууллагуудын холбогдох мэргэжилтнүүд зөвлөлдөж байгаа билээ. Энэ ажлын эхлэл нийслэлийн Сонгинохайрхан дүүрэгт биеллээ олж байгаа талаар Байгаль орчин аялал жуулчлалын яамны Ногоон хөгжлийн бодлого төлөвлөлтийн ахлах мэргэжилтэн С.Эрдэнэцэцэг мэдээллээ. Тодруулбал, ЕБС-ийн өргөтгөл болон 300 гаруй хүүхдийн цэцэрлэгийг ногоон барилгаар барих зураг төслийг гаргасан аж. Дашрамд дурдахад дулаан алдагдал багатай, мөн нарны тусгалыг тооцоолсон, манай орны хүйтний нөхцөлд тохирсон байх шаардлагыг ногоон барилга гэсэн тодотголд нэн тэргүүнд тавьж байгаа юм байна.
Эх сурвалж: Барилгын хөгжлийн төв

Сэтгэгдэл (0)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.