2018 онд бүтээн байгуулалтад гол анхаарлаа хандуулна

2018 онд бүтээн байгуулалтад гол анхаарлаа хандуулна
Сангийн яам Төсвийн зардлын хэлтэсийн дарга О.Хуягцогт

-2018 онд барилга, дэд бүтцийн салбарт оруулсан нийт хөрөнгө оруулалтын хэмжээ хэд вэ? Үүнээс шинэ барилга, их засварт хичнээн төгрөгийн хөрөнгө оруулалт хийх вэ?
Монгол Улсын 2018 оны Төсвийн тухай хуульд дэд бүтцийн салбарт нийт 200.1 тэрбум төгрөгийн хөрөнгө оруулалт тусгасан. Үүнээс шинэ төсөл, арга хэмжээнд 186.8 тэрбум төгрөгийн санхүүжилт туссан.

-Ирэх оны хөрөнгө оруулалтыг төлөвлөхдөө баримталсан гол бодлого юу вэ?
Улсын Их Хурлын тогтоолоор батлагдсан “Монгол Улсын тогтвортой хөгжлийн үзэл баримтлал-2030” хөтөлбөр, “Монгол Улсын Засгийн газрын 2016-2020 оны үйл ажиллагааны хөтөлбөр” болон “Монгол Улсын эдийн засаг, нийгмийг 2018 онд хөгжүүлэх үндсэн чиглэл”-д тусгагдсан зорилтуудыг төсвийн хөрөнгийн хязгаар, төсвийн тусгай шаардлагад нийцүүлэн хэрэгжүүлэх зорилтыг дэвшүүлсэн.
Монгол Улсын 2018 оны төсвийн төсөлд улсын төсвийн хөрөнгө оруулалтын үр ашигтай байдлыг сайжруулах үүднээс:
  • Боловсролын үйлчилгээг тэгш, хүртээмжтэй болгох, хүүхэд бүрийг цэцэрлэгт хамруулж, 3 ээлжтэй сургуулийг 2 ээлжид шилжүүлэхэд онцгой анхаарал хандуулсан.
  • Өвчнөөс урьдчилан сэргийлэх, оношлох, эмчилгээ үйлчилгээний чанар, хүртээмжийг нэмэгдүүлэх
  • Орон нутаг дахь үйлчилгээний тэгш, хүртээмжтэй байдлыг хангах
  • Улаанбаатар хотын цэвэрлэх байгууламжийг үе шаттай шинэчлэх ажлыг эрчимжүүлнэ
  • Өсөн нэмэгдэж буй цахилгаан, дулааны эрчим хүчний хэрэглээний найдвартай ажиллагааг хангах
зарчим баримталлаа.

-2018 онд төсвийн хөрөнгө оруулалтаар хичнээн сургууль, цэцэрлэг, эмнэлэг соёл үйлчилгээний барилга барих вэ?
Сургууль, цэцэрлэгийн хүрэлцээг хангах, 3 ээжлээр хичээллэж буй сургуулийг 2 ээлжинд шилжүүлэхээр 129 цэцэрлэг, 93 сургуулийн барилга баригдана.
Нэгдүгээр шатлалын 17 сум, 5 өрхийн эмнэлэг, хоёрдугаар шатлалын 10 аймгийн төвд төрөх, хүүхдийн, нэгдсэн эмнэлэг, 2 дүүргийн нэгдсэн эмнэлэг баригдана.
Гадаадын зээл тусламжаар
  • Гэмтэл согог судлалын үндэсний төвийн харьяа Түлэнхийн төв
  • Монгол Японы хамтарсан сургалтын эмнэлэг
  • Үндэсний оношилгоо, эмчилгээний төв
  • Халдварт өвчин судлалын үндэсний төвийн лаборатори
эмнэлгүүд баригдаж эхэлнэ.

-Энэ онд хөрөнгө оруулалтаар барьж байгуулах томоохон бүтээн байгуулалтаас нэрлэнэ үү. мөн хаана, хичнээн км авто зам, гүүр барих вэ?
 
Томоохон төсөл, арга хэмжээ
  • Нийслэл болон аймгийн төвүүдийн ДЦС-ын хүчин чадлыг нэмэгдүүлэхэд 37.8 тэрбум төгрөг
  • Төв цэвэрлэх байгууламжийг шинэчлэхэд 10.0 тэрбум төгрөг
  • Улсын чанартай зам, гүүрийн засварт 20.0 тэрбум төгрөг
  • Шинэ нисэх онгоцны буудлын Монголын талын хөрөнгө 10.0 тэрбум төгрөг
  • Эрчим хүчний найдвартай хэрэглээг хангахад 37.6 тэрбум төгрөг
 
Ирэх онд баригдах зам, гүүр
  • Аймгийн төвүүдийг Улаанбаатар хоттой холбох ажлын хүрээнд 784.0 км авто зам
  • Нийслэл болон орон нутагт шаардлагатай авто зам 33.4 тэрбум
  • Улаанбаатар хот- Шинэ нисэх онгоцны буудал чиглэлийн хурдны авто зам барихад 57.5 тэрбум төгрөг
  • Зүүн 4 замын уулзвар болон Замын цагдаагийн уулзварын гүүрэн гарцын барилгад 17.7 тэрбум төгрөг
  • Нийслэлд 12.5 тэрбум төгрөгөөр 4 гүүр, орон нутагт 14 ширхэг гүүр 7.3 тэрбум төгрөг
 
Эх сурвалж: Барилга.МН сэтгүүл 2018.01

Сэтгэгдэл (0)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.