Гүүрэн замыг БНХАУ-ын 42 сая долларын зээлээр барина

Гүүрэн замыг БНХАУ-ын 42 сая долларын зээлээр барина
 

     Замын цагдаагийн газрын ойролцоо гүүрэн зам баригдах талаар яригдаад багагүй хугацаа өнгөрч байна. 42 сая долларын өртөгтэй гүүрэн зам барих уу, 4 сая долларын нүхэн гарц барих уу гэх асуудлаар иргэд сошиал орчинд талцаад байгаа юм. 

Ийм байдал үүсэх шалтгаан нь Ерөнхийлөгчийн ахлах зөвлөх З.Энхболдын цахим орчинд хийсэн мэдээллээс улбаалсан. Учир нь “Гудамж төслийнхөн 4 сая доллараар нүхэн гарц барих байсан, гэтэл 47 сая доллараар гүүрэн зам барих гэж байна. Түгжрэлийг бууруулахын хувьд аль нь ялгаагүй” хэмээн жиргэсэн. Тэгвэл Гудамж төслөөс нүхэн гарцны ямар нэгэн зураг төсөл ирээгүй байна. 

Нийслэлийн авто замын хөгжлийн газрын дарга Ж.Тогтохбаяр “Гүүрэн замын ажлыг таван жилийн дараа улстөржүүлэн ярих шаардлагагүй” хэмээв.

Дөрвөн эгнээ 477 метр урт гүүрэн замыг барихад 22 ААН газар чөлөөлөх шаардлага үүссэн. Бодь групп, Голомт банк зэрэг байгууллагууд газраа чөлөөлөлгүй удсанаас гүүрэн замын ажил эхлэх хугацаа хойшилсон байна. Одоогийн байдлаар газар бүрэн чөлөөлөгдсөн тул ирэх 4 дүгээр сараас барилгын ажлыг эхлүүлэхээр болжээ.  Гүүрэн зам баригдахад шаардлагатай 42.3 сая долларыг БНХАУ-ын Засгийн газраас 22 жилийн хугацаатай зээлэхээр гэрээ байгуулсан. Зам баригдаж эхэлснээс хойш зээл  төлөгдөж эхлэх юм. 

Эх сурвалж: Барилга.МН

Сэтгэгдэл (1)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

    зочин судлаач 2018-03-05 19:02 202.9.42.172

    АНХНЫ ГҮҮРЭН ГАРЦ ГЭХ ОДООНЫ ГУРВАЛЖИНГИЙН ГҮҮРИЙГ 1998 ОНД ОРОСЫН ЗЭЭЛЭЭР БАРИХАД ГАДААД ХУДАЛДААНЫ ГЭРЭЭ НЬ ЕРДӨӨ ХОЁР ХУУДАС ,,ХЭДЭН ТН ЦЕМЕНТ ХЭДЭН ТН АРМАТУР ОРОСООС ИРЭЭД Л МАНАЙ ЗАМ ГҮҮРИЙНХЭН ХАГАС ЖИЛИЙН ДОТОР Л БАРИСАН САНАГДАХ ЮМ,,,ЕР НЬ НЭГ ИХ СҮР БАРАА БОЛСОН ЮМГҮЙ БАРИГДАД ДУУССАН,,42 БОЛ ИХ Л ТОО ЮМДАА,,,ЗАМ ДООГУУР БУСАД ОЛОН АСУУДАЛ ШИЙДЭЭ ЮМ БОЛОВ УУ,,БАРИХ НЬ Л ЧУХАЛ БАЙНА,,БУСАД НЬ ДУУГАЙ Л ХАРЖ БАЙСАН НЬ ДЭЭР,,