ISTANBUL GRAND AIRPORT 2018 онд нээгдэнэ
Сүүлийн арваад жилийн хугацаанд Турк улсын агаарын тээврийн салбарт чамлах аргагүй өндөр өсөлт ажиглагдаж байна. Тухайлбал, 'Istanbul Atatьrk' нисэх онгоцны буудлын багтаамж дүүрч бүрэн хүчин чадлаараа ажиллаж байгаа бөгөөд хоёр дахь том онгоцны буудал Sabiha Gokcen ч мөн ачаалал өндөртэй байхаар урьдчилсан тооцоо гарчээ. 2021 он гэхэд дэлхийн агаарын тээврийн төв цэг Туркийн өмнөд хэсэгт буюу Ази, Европ тивийн заагт шилжинэ гэсэн судалгаа хийгджээ. Улмаар Туркийн засгийн газраас шинэ нисэх онгоцны буудал, нэмэлт зурвас байгуулах шаардлага тулгарч Istanbul Grand нисэх онгоцны буудлын өргөтгөлийг эхлүүлжээ 2015 оны тавдугаар сараас барилгын өргөтгөлийг эхлүүлсэн бөгөөд 2017 оны 12-р сараас дэлхий дэх хамгийн олон зорчигчдын багтаамж бүхий, агаарын тээврийн салбарт асар их хүлээлт дагуулаад байгаа нисэх буудлын сурталчилгаа цацагдаж эхэлсэн юм. Тэгвэл энэ сарын 26-нд барилгын ажил бүрэн дууссан бөгөөд 2018 оны аравдугаар сарын 29-ны өдөр шинэ нисэх онгоцны буудал үүдээ нээхээр товложээ.
