Дэлхий дээрх хамгийн том анхны 3D байшинг танилцууллаа

Дэлхий дээрх хамгийн том анхны 3D байшинг танилцууллаа
  Чөлөөтэй хувьсах хэлбэр бүхий дэлхийн анхны 3D хэмжээст байшин баригдах мөч тун дөхжээ. Учир нь хот төлөвлөлтийн “WATG Urban” компанийн санаачлан барьж буй Curve Appeal сууцны төсөл нь 2016 онд Чөлөөт хувьсах загварын барилгын шагнал хүртээд байсан бол энэ онд албан ёсоор баригдаж эхэлжээ.

   Өнгөрсөн нэг жил гаруй хугацаанд судалгаа, хөгжүүлэлтийн ажлыг нь гүйцэтгэсэн байна. Ногоон ирээдүй рүү чиглэсэн уг байшин 3D төрөлдөө анхдагч том сууц болж байгаа бөгөөд нарийн төвөгтэй муруй өнцөг, цонхыг нэгэн цогц болгон уялдуулж чадсанаараа ихээхэн онцлогтой аж.



   Уг сууц нь Чаттанога дахь Теннесси голоос холгүй ой мод ихтэй газарт байрлах юм. Сууцны загвар хийц нь гайхалтай шинэлэг, өвөрмөц болсон ч шилэн хана бүхий архитектурын шийдэл нь хүрээлэн буй орчинг илүү ойр байлгаж, байгалийн гэрэлтүүлгийг нэмэгдүүлэн, амьдарч буй орчинг саруулхан харагдуулах давуу талуудтай. Энэ төрлийн сууцны хөтөлбөрийг анх 1945-1966 онд “Case Study Houses” судалгааны байгууллагаас гаргаж байжээ. 3D хэмжээст тус сууцанд минимал чиг хандлагыг түлхүү хэрэгжүүлж, аль болох энгийн авсаархан байлгахыг зорьсон байна.



   Хоёр жилийн өмнөх уралдаанд ялснаасаа хойш архитекторууд нь “Branch Technology” компанийн 3D хэмжээст технологийн мэргэжилтнүүдтэй хамтран ажиллаж байгаа юм. Энэ компани нь 3D хэмжээст технологиороо алдартай бөгөөд энэ төрлийн төслүүдийг нэгэн цогц болгон хөгжүүлж байгаа аж. 

















 
Эх сурвалж: Барилга.МН

Сэтгэгдэл (0)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.