Ногоон технологийн "Яндангүй байшин"
/64М.КВ ТАЛБАЙТАЙ/
“Хөгжлийн хөтөч-дэд бүтэц” төслийн зохицуулагч,Техникийн ухааны доктор Б.Батболдын одоогоос 15 жилийн өмнө дэлхийн хамгийн том 20 Архитектурын компани болох Японы “Nikken Sekkei” компанид хот төлөвлөлтийн мэргэжилтнээр ажиллаж байхдаа эхлүүлсэн “Пассив хаусыг гэр хороололд хэрэгжүүлэх” судалгаа, шинжилгээ, туршлага дээр суурилсан “Яндангүй” пассив байшин өнөөдөр бодитоор сүндэрлэжээ. Энэхүү пассив байшин нь гэр хорооллын утаа, агаар болон хөрсний бохирдол, хог хаягдал, дулаан алдагдлын асуудлуудыг цогцоор нь шийдвэрлэсэн нарны дулааныг ашигласан эрчим хүчний хэмнэлттэй ногоон барилгын нэг төрөл болсон.
“Яндангүй” байшинг 35 сая төгрөгөөр ердөө 15 хоногт бариулах боломжтой бөгөөд дараах технологийн шийдлүүд байшинг дулаан алдагдалгүй, пассив байшин болгосон. Үүнд:
“Яндангүй” байшинг 35 сая төгрөгөөр ердөө 15 хоногт бариулах боломжтой бөгөөд дараах технологийн шийдлүүд байшинг дулаан алдагдалгүй, пассив байшин болгосон. Үүнд:
- Нарны дулааныг ашиглах зориулалт бүхий дулаан алдагдал багатай 3 давхар /triple glazed/ баруун урагшаа харсан том цонх
- Дулаан алдагдлыг багасгах зорилго бүхий вакум цонхны дотор талд давхар шилтэй бусад цонхнууд
- 350мм зузаан D700 нягтралтай хийт блок, ус чийг тусгаарлагч үе, зориулалтын дулаалга бүхий сайдингтай хана
- Хүйтэн болон хэт халууныг нэвтрүүлэхгүй зориулалттай 200мм зузаан нягтаршуулсан сэндвичэн дээвэр
- 10см зузаан хөөсөнцөр дулаалга бүхий төмөр бетон шугаман суурь
- 20см хөөсөнцөр дулаалга бүхий бетон шал
- Нарны энергийг хангалттай нэвтрүүлэх болон байшин доторх агаар сэлгэлтийг сайжруулах зорилго бүхий давхар хоорондын атриум /atrium/
“Яндангүй” пассив байшингийн үндсэн зорилго нь цэвэр, эрүүл, ногоон гэр хороололд шинэ амьдралын хэв маягаар идэвхтэй амьдрах юм. Зорилгоо амжилттай хэрэгжүүлж, гэр хорооллыг ногоон болгох, нийгэм, эдийн засагт үр өгөөжөө өгөхийн тулд иргэд хашаандаа дараах зүйлүүдийг зайлшгүй хийх шаардлагатай. Үүнд:
- Мод, ногоон байгууламжаа услах борооны усыг нөөцлөх дээврийн хоолой болон сав
- Зундаа том цонхоо сүүдэрлэх, эко орчинг бүрдүүлэх 5 буюу түүнээс дээш навчит мод
- Хог хаягдалаа зөв зохистой хаях тусгаарлалттай хогийн сав
- Хөрсний бохирдлын асуудлыг шийдвэрлэх бохирын цооног
Айл бүр дараах нэмэлт зүйлүүдийг хийх, суурилуулах бүрэн боломжтой. Үүнд:
- Эрүүл хүнсний хэрэглээ болох хүлэмж
- Орчны бохирдол, сул шороогүй амьдрах хотын газар тариалан /Urban аgriculture/ болон ногоон байгууламж
- Эрчим хүчний хэмнэлттэй нарны зайн батерей /solar panel/
- Хүүхдийн хөдөлгөөнийг дэмжих тоглоомын талбай
“Яндангүй” пассив байшин сонирхсон иргэдийн давуу тал нь:
- Өөрийн байшингаа өөрөө барина, бариулах
- Барилгын компаниа өөрөө сонгох
- Байшингийн эзэн ѳѳрѳѳ
- Захиалагч
- Хяналтын инжeнeр
- Нягтлан бодогч
- Нярав
- Чанарын хянагч
- Ажил олгогч
- Дараагийн байшингийн зөвлөх болно.
Ашгийн бус “Хөгжлийн хөтөч-дэд бүтэц” төслийн баг “Яндангүй” байшинтай болох хүсэлтэй иргэдэд мэргэжлийн зөвлөгөө өгч, барилгын явцад менежмент хийж ажиллах болно.
Уг шийдлийг жижиг, том амины сууцаас гадна цэцэрлэг, сургууль гэхчилэн олон төрлийн барилгуудад нэвтрүүлэх боломжтойн зэрэгцээ орон сууцны зах зээлийн шинэ системийг бий болгох эхлэл болно.
64м2 “Яндангүй” сууцны зардлын тооцоо
| д/д | Зардлын нэр | Өртөг |
| 1 | Материалын зардал | 27 500 000 |
| 2 | Тээвэр, механизм | 1 100 000 |
| 3 | Цалин хөлс | 6 400 000 |
| Нийт дүн /төг/ | 35 000 000 |
Үндэсний дараах компаниудын дэмжлэгтэйгээр энэхүү яндангүй сууц нь ашиглалтад орсон бөгөөд тус ногоон барилга нь нийгэм, эдийн засгийн үр өгөөжтэй шийдэл болсон.
1-р давхар план зураг
2-р давхар план зураг
Хогийн сав