Нидерландчууд агаарын бохирдлыг бууруулах “Босоо ой” цамхагтай болно

Нидерландчууд агаарын бохирдлыг бууруулах “Босоо ой” цамхагтай болно

   Италийн нэрт архитекор Стефано Боэригийн санаачлан бүтээсэн, байгаль орчинд сөрөг нөлөөгүй “Босоо ой” цамхаг дэлхий дахинаа түгж, сүндэрлэсээр байна. Хамгийн сүүлд л гэхэд Нидерландын Эйндховен хотноо түүний энэхүү төсөл хэрэгжиж эхэлжээ. Энэ нь өмнөх төслүүдээсээ ялгаагүй, нэг ижил зохион байгуулалттай байх аж.

  Хүний эрүүл мэндэд ээлтэй, эрчим хүчний хэмнэлттэй, байгалийн гэрэлтүүлэг, агааржуулалт сайтай гээд олон давуу талыг шингээсэн уг төсөл нь бага, дунд орлоготой иргэдийг орон сууцаар хангах бодлогын хүрээнд чиглэгдсэн байна. The Trudo босоо ой цамхаг нь архитектурыг цаг уурын өөрчлөлт болон хот төлөвлөлт дэх орон сууцны асуудал гээд аль алийг нь шийдэхэд нийцүүлж чадсан сайн жишээ хэмээн мэргэжилтнүүд дүгнэжээ.



   Стефано Боэри нь өмнө нь “Босоо ой”-гоо Милан, Утрехт, Нанжин, Тирана, Парис, Лаузанн зэрэг газарт байгуулсан билээ. Энэ нь бүхий л хэсэг, булан тохой бүртээ ногоон байгууламж, бут сөөг, ургамал тарьж зүлэгжүүлсэн 125 нэгжтэй 19 давхар цамхаг юм.



   “Эйндховений энэхүү барилга цаг уурын өөрчлөлтөд нийцсэн, нөгөө талаар орон сууцны хомстлыг шийдэх гайхалтай төсөл болж чадсан. Хотын ойн аж ахуй нь дэлхийн хотуудын хүрээлэн буй орчныг сайжруулаад зогсохгүй, оршин суугчдын амьдрах орчныг дээшлүүлэхэд ихээхэн хувь нэмэр оруулна” хэмээн Стефано Боэри өгүүлжээ.



   Барилгад 125 мод, 5,200 ургамал тарьж ногоон байгууламжийг нь бүрдүүлэх аж. 74 метр өндөртэй, бүхэлдээ ногоон байгууламжаар баялаг уг цамхаг нь хотын агаарын бохирдлыг бууруулах, амьтдад орчин нөхцөлийг нь бүрдүүлж өгөхөд чухал үүрэг гүйцэтгэх аж.





   “The Trudo босоо ой нь амьдралын шинэ түвшинг бий болгож байна. Орон сууц тус бүр 50 м.кв-аас доош талбайтай, нэг модтой, 50 гаруй бут сөөгтэй, 4 м.кв талбай бүхий террастай байх юм. Мөн фасаданд дахин ашиглагдаж буй материал хэрэглэж, эх үүсвэрүүдийг тодорхой болгосноор уг цамхаг бүрэн утгаараа нийгмийн шинж чанартай, загвар орон сууц болж чадсан” хэмээн Стефано Боэри архитектурын компанийн төслийн захирал Франченска Цеса Бианчи ярьсан юм.

 
Эх сурвалж: Барилга.МН

Сэтгэгдэл (2)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

    Зочин 5 өдрийн өмнө 103.11.193.98

    Энэ төслийн сантехник, цахилгааны, зураг төсөл, гүйцэтгэлийг хийсэн ТЕРМИГАС гэдэг компани Монголд байдаг. мөн энэ архитектортой хамтарч ажилладаг.
    koi 1 өдрийн өмнө 41.85.161.187

    Бүх хүнд зориулсан санал. Танд зээл хэрэгтэй, гэхдээ танай сарын орлого, хэт өндөр хүүтэй үл өөрчлөгдөх нөхцөлтэй нөхцөлд танай банк, санхүүгийн институциас татгалздаг. Та өөрийн хэрэгцээг хангахын тулд зээл авах хүсэлтэй байна. Ямар ч асуудал байхгүй. Санхүүгийн ямар ч нөхцөлд би танд зээл, арилжааны зээл, олон улсын зээл, хувийн зээл, онцгой зээл, боловсролын зээлийг санал болгож байна. Би нөхөрлөлд зориулж зээл олгож, олон хүнтэй. Та үнэхээр хэрэгцээтэй байгаа тул холбоо барих хэрэгтэй. и-мэйл: vicentiasolara@gmail.com vicentiasolara@gmail.com Whatsapp: 0033644664081