Америкчуудын бүтээсэн монгол гэрт лекц уншжээ

Америкчуудын бүтээсэн монгол гэрт лекц уншжээ
       Доктор, профессор Б.Болдсайхан Монгол Улсаа төлөөлөн гадаадын олон оронд уригдаж, уламжлалт анагаах ухаан болон ховор ургамлын талаар лекц уншдаг аж. Тэрбээр саяхан АНУ-ын Вермонт мужийнхны урилгаар лекц уншсан байна.
 
Энэ үеэрээ монгол оронд ургадаг зарим эмийн ургамлын талаар сонирхолтой яриа өрнүүлснээс гадна өөрийн сонирхлын дагуу авсан шар яргуй, цээнийн үр, хөмүүлийн цэцэг зэрэг ургамлын фото зургийн цуглуулгаа дэлгэжээ. Б.Болдсайхан нь ШУТИС-ийн эрдмийн зөвлөлийн гишүүн бөгөөд “Вансэмбэрүү Монгол” ТББ-ын мэргэжлийн зөвлөлийн гишүүнээр ажилладаг.

Сонирхолтой нь, тэрбээр энэ удаа АНУ-ын Вермонт мужийнхны үйлдвэрийн аргаар бүтээсэн монгол гэрт лекцээ уншсан бөгөөд уг гэр нь таван мянган ам.долларын үнэтэй гэнэ. Энэхүү гэрийг шүхэр мэт дэлгэж болох төдийгүй дээвэр туургыг ус бороо нэвтрэхгүй нийлэг, дулаан материалаар хийсэн ажээ. Мөн дөрвөн том цонхтой, тооно нь нилдээ шил учраас маш саруулхан, гэгээтэй. Америкчууд энэ монгол гэртээ ихэвчлэн бясалгал үйлдэж, гадаадын нэртэй эрдэмтдийг урьж лекц уншуулдаг байна.
Эх сурвалж: Монголын үнэн

Сэтгэгдэл (0)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.