Барилгын салбарын ажилтны давтан сургалт, мэргэшлийн зэрэг олгох дүрмийг хэрэгжүүлэх зарим арга хэмжээний тухай БХБ-ын Сайдын тушаал гарчээ. Үүнд:

1. Барилгын салбарын ажилтны давтан сургалт, мэргэшлийн зэрэг олгох дүрэм шинэчлэгдэн батлагдсантай холбогдуулан мэргэжилтний үйл ажиллагааны мэргэшлийн зэргийн хүрээний дүйцүүлсэн зохицуулалтыг 1 дүгээр, мэргэшлийн зэрэг нь хугацаагүй эрхтэй болсон мэргэжилтнүүдийн жагсаалтыг 2 дугаар хавсралтаар тус тус баталсугай.

2. Барилгын салбарын зэрэгтэй мэргэжилтнүүдийн жагсаалтыг гаргаж, нийтэд мэдээлж ажиллахыг Төрийн захиргааны удирдлагын газар /У.Отгонбаяр/, “Барилгын хөгжлийн төв” ТӨААТҮГ /Ц.Амарсанаа/-т даалгасугай.

3. Барилгын салбарт мэргэжилтэн бэлтгэж байгаа их, дээд сургуулиудын сургалтын чиглэл, хөтөлбөрт судалгаа, шинжилгээ хийж, санал боловсруулан 2018 оны 1 дүгээр улиралд багтаан танилцуулахыг Төрийн нарийн бичгийн дарга /С.Магнайсүрэн/-д үүрэг болгосугай. гэжээ.