2022 оны өвлийн олимпийн бүтээн байгуулалтууд байгальд ээлтэй болно

2022 оны өвлийн олимпийн бүтээн байгуулалтууд байгальд ээлтэй болно

  Шинэхэн баригдаж буй Дөрвөн улирлын хотхоны хүлээн авах төв нь Бээжин хотноо 2022 онд болох өвлийн олимпийн үзэсгэлэнт төв цэг нь байхаар төлөвлөгджээ. Цанын замуудыг нэгэн зэрэг шийдсэн налуу дээврээр харилцан холбогдох хоёр барилгын загварыг GSA группийнхэн гаргасан байна.

  Байгальд ээлтэй бүтээн байгуулалтуудыг хийхээр зорьж буй Дөрвөн улирлын хүрээлэн рүү нэвтрэх гол хэсэгт байрласан энэ хотхон 2022 онд өвлийн олимп болох Чонгли хотод хамгийн ойрхон амралтын газар болж байгаа аж. Олимпийн үеэр энэхүү цанын баазад нэлээд идэвхтэй арга хэмжээнүүдийг зохион байгуулахаар төлөвлөжээ. Энэ нь 20,000 зочин хүлээн авч, аялагчдыг амарч тухлах, мэдээлэл авах тохь тухтай орчноор хангах юм.

  Архитекторууд уг цанын баазад жуулчид ирдэг хоёр гол улирлын утга учрыг илэрхийлэхийн тулд “Гал ба мөс” хоёрыг төлөөлүүлж, барилгын гадна фасад нь цас мөстэй өвлөөс халуун зун руу шилжиж буй мэт харагддаг байхаар санаачилжээ. Энэхүү динамик хэлбэрийг байгаль, хүрээлэн буй орчин, нарны тусгал, уулсын үзэсгэлэнт төрх байдлыг зочдод чөлөөтэй харагдуулах талаас нь тооцоолж гаргасан байна. Тусгайлан зассан зам нь зочдод Чонгли хотын түүх, соёлын олон сонирхолтой зүйлсийг агуулсан үзэсгэлэнгийн хэсгүүдээр зорчин өнгөрөх боломжийг нээж өгчээ.

  Төсөл эцсийн байдлаар батлагдаж, барилгын ажил нь хэдийнээ эхэлсэн бөгөөд 2018 оны 12 дугаар сард ашиглалтад орох аж. 



















Эх сурвалж: Барилга.МН

Сэтгэгдэл (0)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.